Кӯли хавфноктарин кӯли Марг ба ҳисоб меравад, ки дар ҷазираи Ситсилия ҷойгир аст. Он ҳамчунин кӯли зеботарин дар ҷаҳон эътироф гаштааст. Дар оби он тамоман нишонаи ҳаёт дида намешавад, аммо кӯл бисёр зебо ва ғайривоқеӣ ба назар мерасад, ки эҳсоси омехтаи шодмонӣ ва ҳайратро ба бор меорад. Ба кӯл наздик омадан ва ба об даст расондан қатъиян манъ аст.
Ягон мавҷудоти зинда ба оби кӯли Марг афтода, зинда намемонад. Дар таркиби об миқдори зиёди кислотаи сулфат мавҷуд аст, ки ҳатто бо расидани якчанд қатраи он ба пӯст, 100 фоиз боиси сӯзиши химикии сахттарин шуда, пӯст варам карда, обила пайдо менамояд, сӯзиши сахт ва дард эҳсос карда мешавад.
Фавран пас аз муайян намудани таркиби об, байни олимон оид ба сабабҳои имконпазири консентратсияи баланди кислотаи сулфат маҳз дар ин макон баҳсҳо оғоз гардидаанд. Ду фарзия пешниҳод гардид. Мувофиқи фарзияи аввал, дар об маъданҳо ва ҷинсҳои барои илм номаълум ҳал мешаванд, ки ҳавзро бо кислотаи сулфат ғанӣ мегардонанд. Дуюм фарзия, дар бораи ҳузури баъзе сарчашмаҳо дар қаъри кӯл, ки ба об кислотаи сулфатро мепартояд, асос ёфтааст. Баъд аз муддате фарзияи дуюм исбот шуд ва тасдиқи илмии худро биёфт.
Манбаъ: otvetin.ru
Нет комментариев