Дар Душанбе аз ҷониби нашриёти «Адиб» таҳти унвони «Меҳргон дар Тоҷикистон» китоби нави академики АИ ҶТ Абдуҷаббор Раҳмонзода ва профессори ДМТ Равшан Раҳмонӣ ба нашр расид.
Дар ин китоб дар асоси санадҳои илмӣ оид ба таърихи гузашта ва эҳёи имрўзаи ҷашни Меҳргон дар Тоҷикистон сухан меравад. Ин ҷашн низ вобаста ба ҷамъоварии дастранҷи кишоварзон буда, дар замонҳои бостон ба мисли Наврўзу Сада бошукўҳ ҷашн гирифта мешуд.
Воқеан, Меҳргон яке аз куҳантарин ҷашнҳои мардуми ориёинажод буда, гузаштагонамон онро ҳамчун ситоишу ниёиши Меҳр ё Митро ва рамзи аҳду паймон ва дӯстиву муҳаббати оини меҳрпарастӣ таъбир кардаанд.
Китоб аз ҳафт бахш иборат буда, дар он оид ба «Эҳёи ҷашни Меҳргон», «Меҳргон ва оини меҳрпарастӣ», «Рўзи ҷашни Меҳргон», «Меҳргон дар сарчашмаҳо», «Шоирони садаҳои 11-12 ва Меҳргон», «Меҳргон дар замони муосир» маълумот дода шудааст.
Китоби мазкур дар бораи ҷашни Меҳргон иттилои муфассал медиҳад. Хонандагон метавонанд онро ҳамчун сарчашмаи арзишманд мавриди истифода қарор диҳанд.
Манбаъ: АМИТ «Ховар»
Нет комментариев