Акс аз: parvozho.blogspot.com

Дар шаҳри Хуҷанд корҳои таъмиру азнавсозии боғи фарҳангу фароғатии  Хоҷа  Камоли Хуҷандӣ босуръат идома доранд. Ҳоло барои бунёди боғи мазкур  зиёда аз 9- пудратчиёни асосии  Хуҷандсохтмон -1, идораи сохтмони 5, Само ва дигар сохтмончиёну  кандакорони маҳаллӣ аз ноҳияи Б. Ғафуров  ва шаҳри  Исфара бо кандакории пешайвон ва айвони ин боғ машғул ҳастанд. Айни замон бо қувваи беш аз 70 нафар сохтмончиён  ба се адад айвон таҳкурсӣ гузошта шуда,  сутунҳояш бардошта шудаст. Дар баробари ин  сохтмони мақбараи Хоҷа  Камол низ бардошта шуда, бомпӯшкунии он, ҳамчунин бо сангҳои кӯҳҳои Тоҷикистон оро додани фарши он идома дорад. Дар ҳудуди  боғи мазкур  3 гектар сабзазор (газон),  100 ҳазор бех гулҳои гуногун  ва 1000 бех дарахтони ороишӣ аз гӯшаву канори кишварамон оварда шинонда  мешаванд. Бояд гуфт, ки Лоиҳаи «Таҷдиди боғи адабии Хоҷа Камоли Хуҷандӣ» моҳи январи соли ҷорӣ оғоз гаштааст ва дар назар аст, ки он  то моҳи марти соли 2015 – анҷом ёбад.

Ҷоиз ба қайд аст, ки Наврӯзи соли 2015 –ум дар ин боғ бо шукӯҳу шаҳомати хоса қайд карда мешавад.  Дар ин бора  ҳамкоронамон  аз ТВ «Азия» иттилоъ медиҳад.