Раиси шаҳри Хуҷанд Маъруф Муҳаммадзода аз корхонаи саноатии «ВТ-Силк», ки бо истеҳсоли пилла машғул аст, боздид ба амал оварда, бо фаъолияти ин корхонаи дар гузаштаи начандони дури пешқадам аз наздик шинос шуд.
Тавре, ки директори генералии корхонаи «ВТ-Силк» Хоанг Ван Хиеп ба Роҳбари шаҳр иттилоъ дод, корхона фаъолияти муназзами худро ба роҳ мондааст ва миқдори муайяни маҳсулоти хом дар амбори он нигоҳ дошта мешавад. Вале он нокифоя буда, тадбирҳои бештар ворид намудани ашёи хоми ватанӣ андешида шуда истодааст.
Раиси шаҳри Хуҷанд Маъруф Муҳаммадзода аз раванди фаъолияти корхона, зимни боздид аз сехҳо ва суҳбат бо кормандон ошноӣ пайдо намуда, аз вазъи кунунӣ изҳори нигаронӣ намуда, доир ба мушкилот ва роҳҳои фаъол намудани он ба роҳбарияти коргоҳ дастуру супоришҳои мушаххас дод. Аз ҷумла, дастур дода шуд, ки бояд корхона дар зудтарин фурсат иқтидорҳои қаблии хешро барқарор намуда, сафи кормандонро афзояд.
Маъруф Муҳаммадзода ба роҳбарияти корхонаи «ВТ- Силк» доир ба таъмиру омодагии кулли он ба фаъолияти васеъ супоришҳои мушаххас дод.
Манбаъ: Дафтари матбуоти Раиси шаҳри Хуҷанд
Нет комментариев