Ин навбат дар бораи хусусиятҳои шифобахшии «Тарбуз», ки дар вилояти Суғд ва умуман дар Тоҷикистон ба парвариши он аҳамияти зиёд медиҳанд, сухан хоҳем гуфт.
— Қариб 90 фоизи тарбуз аз об иборат аст, аз ҳамин сабаб тарбуз шахсро аз вазни иловагӣ халос мекунад ва токсину шлакҳоро аз организм берун месозад;
— Ҷои мулоими тарбуз аз витамини гурӯҳҳои В, ки кори системаи асабро муқаррарӣ менамояд ва пайдошавии сабӯсаки сар ва гармичаро бартараф мекунад; витамини С, ки иммунитетро мустаҳкам гардонида, пиршавии барвақтро пешгирӣ менамояд; Витаминҳои РР, ки хастагиро бартараф намуда, хоб ва кайфиятро беҳтар менамояд ва ғ.
— Тарбуз тарангшавии олоти ҷинсиро зиёд менамояд. Яъне, дар таркиби ҷои мулоими он моддаи сиртулин мавҷуд аст, ки монанди як қатор дармонҳои тиббӣ рагҳои хунгузарро кушод менамояд ва ба он оварда мерасонад. Ғайр аз ин, аминокислотаҳои аргинин мавҷуданд, ки кори дилро беҳтар намуда, иммунитетро зиёд мекунад;
— Тарбуз ба ягон беморӣ зиднишондиҳанда надорад, аммо ба нафарони гирифтори шадиди бемориҳои гурда ва системаи дилу рагҳо аз ду-се бурида зиёд тавсия дода намешавад.
— Пӯчоқи тар ва хушки тарбузро дар об ҷӯшонед (1:10) ва дар як шабонарӯз нимстаконӣ 3-4 маротиба истеъмол намоед;
— Ҷои мулоими тарбуз (наздики 1,5 килограмми он дар як рӯз ва дигар ҳеҷ чиз) воситаи хуби кам кардани вазн мебошад;
— Тухми дар ҳован кӯфташудаи тарбузро ҳамчун воситаи зидди кирми рӯда (киҷҷа) истифода менамоянд
Аҷоибот
Дар баъзе минтақаҳои баландкӯҳ, масалан, дар қаторкӯҳҳои Калифорния Сиера-Невада тобистон барфи тарбузрангро дидан мумкин аст. Ин барф ранги гулобӣ ва бӯю таъми тарбузро дорад. Ин хирқа ба он вобаста аст, ки дар таркиби барф обсабзаҳои пигментҳои сурхдошта мавҷуданд ва онҳо ба барф рангу накҳати махсус медиҳанд.
Хулосаи калом, чун мавсими пухтарасидану истеъмоли тарбуза аст, бештар тарбуз хӯред ва ба чанд бемории худ даво бахшед!
Исломҷон Бобоев
Нет комментариев