Лимӯ воситаи хуби мардумӣ аз бемориҳои гуногун мебошад. Онро на танҳо дар тиб, балки дар таббохӣ низ васеъ истифода мебаранд. Истифодаи лимӯро дар тиб ҳамчун витаминҳо ва моддаҳои минералӣ тавсия медиҳанд. Аз ин сабаб ҳангоми бемориҳои норасогии витамин, вайроншавии мубодилаи моддаҳо, ревматизм, атеросклероз, ангина, подагр, фишори хун ва ғайра барои табобати онҳо лимӯ нотакрор аст. Дар тиб асосан меваи он истифода бурда мешавад.
Лимӯ дарахти ҳамешасабз буда, то 5 метр қад мекашад. Дарозии баргҳояш то 16 см ва аз он ҳам дарозтар мешавад. Ранги гули он сафед буда, маҳину зебо мебошад. Лимӯ бо он маъмул аст, ки дар таркиби худ кислотаҳои органикӣ, пенктин, қанд, фитонсид, каротин ва витаминҳои бисёре дорад. Бӯи хоси лимӯ аз он вобаста аст, ки дар таркиби худ равғанҳои эфир дорад. Равғани эфир на танҳо дар меваи он, балки дар баргу танаи он низ мавҷуд мебошад. Вобаста ба таркибаш, лимӯро дар соҳаҳои гуногуни тиб истифода мебаранд.
Дар замонҳои қадим лимӯро ҳамчун воситаи давоӣ барои табобати бемории тоун (чума), газидани мор, аз ҷароҳату заҳролудшавиҳо истифода мебурданд. Донишманди бузург Ибни Сино онро ба беморони касалиҳои дил, зардпарвин ва барои занҳои ҳомиладор тавсия намудааст.
Ҳамчунин мегӯянд, ки ҳар рӯз чоряки лимӯро бо пӯст истеъмол кунед, он шунавоиро беҳтар мекунад.
Дар тибби ҳозира бошад, лимӯро на он қадар васеъ истифода мебаранд. Танҳо аз афшураву равғани лимӯ барои беҳтар намудани тамъи доруҳо истифода мебаранд.
Ҳамчунин лимӯ барои табобати гиҷҷа (глисти), парпанакҳо (грибок) давои хуб аст. Тарбандии он нороҳатиро рафъ месозад. Дар косметика бошад, лимӯ ҳамто надорад – пусти рӯйро мулоим ва сафед менамояд, доғи кунҷитак ва дигар доғҳоро бартараф намуда, пусти рӯйро ҷавон месозад.
Дар кадом ҳолат лимӯ метавонад ба организм таъсири манфӣ расонад?
Истеъмоли лимӯ ба онҳое, ки бемории меъда, гепатит, бемории илтиҳоби рӯда, заҳрадон ва гурда доранд, манъ аст.
Лимӯро дар муҳити хона низ парвариш намудан мумкин аст. Онро дар гулдонҳои калон метавон парвариш кард. Маслиҳат медиҳем, ки сари вақт об додани онро фаромӯш насозед.
Нет комментариев