Дар почтаи Mail. Ru асбоби наве пайдо шудааст, ки барои ба тартиб даровардани мактубҳо ва боркунии ҷузъгир (папка)-и “воридотӣ” кӯмак мерасонад. Он ба истифодабарандагон имконият медиҳад, ки ба таври автоматӣ мукотиботи электрониро ба ҷузъгирҳои махсус, гурӯҳи мувофиқи мактубҳо ҷудо намоянд. Ҷудокунӣ танҳо бо розигии истифодабаранда гузаронида мешавад.

Почтаи Mail. Ru муайян намудани навъи мактубҳоро омӯхтааст: маълумот дар бораи тахфиф ва акстсияҳо, огоҳиномаҳо аз шабакаҳои иҷтимоӣ, ирсоли маълумотҳои иттилоотии хизматгузориҳои гуногун. Ҳамаи маълумотҳоро таҳлил намуда, он ба истифодабаранда пешниҳод мекунад, ки мактубҳои аз хизматгузориҳои мухталиф қабулшударо ба ҷузъгирҳои мувофиқ: “тахфифҳо”, “шабакаҳои иҷтимоӣ” ва “содиротӣ”, ҷудо кунанд. Аз рӯи хоҳиши худ, истифодабаранда метавонад системаро барои худ мувофиқ гардонад: номи ҷузъгирро тағйир диҳад ё аллакай мавҷудбударо интихоб кунад. Ҳамчунин аз истифодаи филтри мактубҳои хизматгузориҳои муайян даст кашад.

“Ҷудокунии босаводонаи почта, метавонад вақтро сарфа кунад. Аммо аксар вақт истифодабарандагон барои ин кор фурсат надоранд, баъзеҳо бошанд намедонанд, ки чӣ тавр филтрро истифода баранд ва дар бораи мавҷудияти он ҳатто тасаввуроте ҳам надоранд, мегӯяд Анна Артамонова, ноиби президенти Mail.Ru Group, роҳбари қисми тиҷории Почта ва портал.

—Мо қарор додем, ба истифодабарандагон асбоберо, ки ин корҳоро ба ҷои онҳо ба сомон мерасонад, пешниҳод намоем. Дар баробари ин, мо кӯшиш кардем, ки онро дилгиркунанда насозем: Почтаи Mail.Ru мактубҳоро танҳо бо иҷозати истифодабаранда, ба ӯ ҳуқуқи интихобкуниро дода, ба навъҳо ҷудо хоҳад намуд”.

Барои фаъолгардонии вазифаҳо зарур аст, ки якчанд корҳои оддиро иҷро кард:

1. Гузариш ба “созкунӣ” (настройки);
2. Интихоб кардани ҷои “филтр ва равонасозӣ”;
3. Пахш кардани “филтрсозии содирот”.

Асбобро метавон дар ҳамаи ҳолатҳо истифода бурд. Он мактубҳои аллакай мавҷудбударо ба хелҳо ҷудо карда, ҳамчунин ба таври автоматикӣ ҳамаи номаҳоро ба ҷузъгирҳоро таносубан бо алгоритм, аз рӯи хоҳиши истифодабаранда ҷо ба ҷо мегузорад.

Ҳамчунин Почтаи Mail.Ru худ истифодабарии асбобро ба истифодабарандагоне, ки дар қуттиҳояшон мактубҳои зиёди нохонда аз хизматгузориҳои гуногун мавҷуданд, пешниҳод менамояд. Чунин истифодабарандагон, тибқи тадқиқотҳои Mail.Ru Group, аз “ифлосшавии” аккаунтҳояшон азият мекашанд. Аммо ҳолати бо он мустақилона мубориза бурданро надоранд. Маҳз ҳамин боиси иваз кардани суроғаи электронӣ мегардад.

Асбоби ҷудокунии автоматикӣ ба истифодабарандагони фаъоли почтаи Mail.Ru, ки миқдори зиёди мактубҳоро аз 5 хизматгузориҳои гуногун ва на кам аз 2 номаро аз ҳамаи хизматгузориҳо қабул мекунанд, дастрас аст. Барои дигар истифодабарандагон бошад, созкунии муқаррарии дастӣ, дар ҳамон нуқтаи меню ё ҷудокунии дастӣ ба ҷузъгирҳо дастрас мебошад.

Сарчашма: https://hi-tech.mail.ru/news/mail-ru-auto-sort.html