Амалӣ шудани Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар таҳаввулоти маънавию тағйирёбии равонии мардум ва сармояи иқтисодии халқ таъсири мусбат расонд. Мардум аллакай ба хубӣ дарк намудааст, ки минбаъд обрӯву эътибори шоистаро дар ҷомеа аз баргузории тӯю маъракаҳои пурдабдаба ва дастурхони пурнозу неъмат нахоҳад ҷуст.
Бо риояи талаботи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” дар шаҳри Хуҷанд давоми се моҳи аввали соли ҷорӣ 175 маърака ба қайд гирифта шуд, ки нисбат ба ҳамин давраи соли 2017 маъракаи гузаронидашуда 97 адад кам мебошад. Аз ин шумора, тўи арўсию домодӣ 149 адад буда, нисбат ба соли гузашта 62 адад кам шудааст.
Бояд қайд намуд, ки мардум моҳияти қонуни мазкуро хуб дарк намуда, ба сарфаю саришта бисёртар таваҷҷўҳ зоҳир менамоянд. Дар натиҷа, хароҷоти маъракаҳои гузаронидашуда зиёда аз 1,4 млн. сомониро ташкил дода, нисбат ба ҳамин давраи соли гузашта 952 ҳазор сомонӣ маблаѓ кам масраф гаштааст. Маъракаи чил 18 адад ва маъракаи сол 8 адад буда, нисбат ба соли гузашта мутаносибан 20 ва 15 адад кам гашта, онҳо бе пешниҳоди таом баргузор гардиданд.
Дар ин давра назорати санҷишӣ мунтазам аз ҷониби масъулини соҳа ва аъзоёни комиссияи доимии маҳаллӣ якҷоя бо мақомоти ҳифзи ҳуқуқ гузаронида шуда, дар натиҷа 4 ҳолати қонунвайронкунӣ ҷиҳати риоя накардани талаботи Қонуни мазкур ҳангоми баргузории ҷашну маросим ошкор карда шудааст, ки он нисбат ба ҳамин давраи соли гузашта 1 ҳолат кам ба қайд гирифта шудааст.
Тибқи талаботи моддаи 51-и Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”оиди таъсиси комиссияи ҷамъиятӣ дар 22 кумитаи маҳаллаҳо, корхонаву муассисаҳои дар ҳудуди шаҳр мавҷуда, новобаста аз шакли моликияташон, ки зиёда аз 30 нафар корманд кору фаъолият менамоянд, комиссияи ҷамъиятӣ ташкил карда шудааст. То ин муддат миқдори чунин комиссияҳои ҷамъиятӣ 190 ададро ташкил дод. Дар асоси қисми 1, банди 1-и нақшаи фаъолияти комиссияи доимӣ фаъолияти 29 комиссияҳои ҷамъиятии корхонаву муассисаҳо санҷида шуданд.
Дафтари матбуоти
Раиси шаҳри Хуҷанд
Нет комментариев