Дар ҳақиқатанҳам бисёре аз харидорон дар бозорҳо тарбузро дуруст интихоб карда наметавонанд, азҳамин сабаб дар бисёр ҳолатҳо ё тарбузи хом ва ё тарбӯзи мӯҳлаташ гузаштаро харидорӣ менамоянд. Сирри интихоби тарбузро шахсони мушоҳидакор ва шахсоне, ки ба кишту кор ва хариду фурӯши тарбуз машғул ҳастанд аз ду сар медонанд.
Аз ҳамин сабаб мо то дараҷае кӯшиш намудем, ки ба саволи Шумоҷавоб пайдо намоем. Ҳангоми харидорӣ намудани ба харидорон лозим аст, ки қоидаҳои зеринро ба инобат гиранд:
— Тарбузи пӯхтарасида, аз рӯи қоида калонҳаҷм буда, вазни он нисбати андозааш камтар мебошад, аз ин сабаб ҳангоми харидорӣтарбузи вазнаш нисбати ҳаҷмаш сабуктарро интихоб намоед ва агар мавсими тарбуз камее гузашта бошад, аз ҳад зиёд сабукашро интихоб накунед, зеро он аз ҳад зиёд пӯхта расида, обаш кам шудааст ва таркибаш ҳам монанди «пахол» гаштааст ;
— Чӣқадаре, ки фарқ байни рангҳои равшан ва торики рахҳои тарбуз зиёдтар бошад, эҳтимоли сурх ва ширин будани тарбуз зиёд аст ва аз ин сабаб ҳангоми харидорӣ ба ранги тарбуз диққат диҳед;
— Донандагони тарбуз тарбузи пухтарасидаро ба воситаи даст кардан ва фишурдан муайян карда метавонанд. Ҳангоми бо пушти ангушт задан, агар ҳар чӣқадаре садои он баландтар (монанди доира) барояд, ҳамон қадар тарбуз пӯхтагӣ ва ширин мешавад;
— Одатан тарбузи пӯхтарасидагӣ, дар он қисми пӯчоқи худ, киҳангоми нашъунамо ба замин хобида буд, доғи зард пайдо мекунад. Дар тарбузи хом бошад, ин доғҳо сафедтар мебошанд;
— Тарбузи дер боз ба фурӯш нарафта, аз тарбузи тару тоза бо он фарқ мекунад, ки рангаш хиратар шудааст ва ҳангоми даст кардан мулоимтар мебошад. Тарбузи тару тоза бошад баъакс, рангаш равшан ва тарангтар мебошад;
Якчанд маълумоти иловагӣ дар бораи тарбуз:
— Қариб 90%-и тарбуз аз об иборат аст, аз ҳамин сабаб тарбуз шахсро аз вазни иловагӣ халос мекунад ва токсину шлакҳоро аз организм берун месозад;
— Ҷои мулоими тарбуз аз витамини гурӯҳҳои В, ки кори системаи асабро муқаррарӣ менамояд ва пайдошавии сабусаки сар ва гармичаро бартараф мекунад; витамини С, ки иммунитетро мустаҳкам гардонида, пиршавии барвақтро пешгирӣ менамояд; Витаминҳои РР, ки хастагиро бартараф намуда, хоб ва кайфиятро беҳтар менамояд ва ғ.
— Тарбуз тарангшавии олоти ҷинсиро зиёд менамояд. Яъне дар таркиби ҷои мулоими он моддаи сиртулин мавҷуд аст, ки монанди як қатор дармонҳои тиббӣ рагҳои хунгузарро кушод менамояд ва ба он оварда мерасонад. Ғайр аз ин боз аминокислотаҳои аргинин мавҷуданд, ки кори дилро беҳтар намуда, иммунитеро зиёд мекунад;
— Тарбуз ба ягон беморӣ зиднишондиҳанда надорад, аммо нафарони гирифтори шадиди бемориҳои гурда ва системаи дилу рагҳо аз ду-се бурида зиёд тавсия дода намешавад.
Нет комментариев