Мавиз аз ҳама куҳантарин хушкмеваи бозёфтшуда мебошад. Дар тадқиқоти археологии куҳани шоҳигарии Урарту олимон лаълиеро бо боқимондаҳои мавиз пайдо намуданд. Ин хушкмева дар муддати 2 800 сол дар зери хок буд.
Мавиз – ин ангури хушкунонида мебошад. Умуман, таърихи ангур, аз мисри қадим оғоз мегардад. Сипас римиҳои қадим ин меваҷотро ба қисми зиёди дунё паҳн карданд. Дар макони мо низ ангур таърихи бой дорад. Гузаштагонамон хушкмеваи ангур, яъне мавизро ганҷи худодод меҳисобиданд. Истеъмоли мавиз яке аз усулҳои табобатии қадима буд. Ин хушкмеваи серғизоро дар вақти ба сафар баромадан, бо худ гирифта, дар кишварҳои дигар муарифӣ менамуданд.
Мавиз ҳақиқатан ҳам хушкмеваи фоидабахш ва серғизо мебошад. Таркиби он аз витаминҳои гурўҳи В, витамини С, минералҳои гуногун ба монанди оҳан, калий, калтсий, фосфор, антиоксидантҳо бой аст. Минерали асосии мавиз – оҳан мебошад ва истеъмоли он ба муолиҷаи касалии камхунӣ мусоидат мекунад. Минералҳои боқимондаи мавиз фоидаи табобатии худро ба инсон мерасонанд. Масалан, калий ба дил, калтсий ба дандону устухон, фосфор ба чашм шифобахш мебошанд. Гурўҳи витаминҳои В ҳолати системаи асабро муътадил мекунад. Витамини С бошад, дар фасли зимистон хусусиятҳои ҳимоягии организмро тақвият мебахшад.
Мавиз маводи серкалория мебошад, таркиби мавиз аз фруктоза ва сахароза бой аст – 100 грамми он ба 320 килокалория баробар аст. Аз ҳамин рў Шумо бояд донед: нафароне, ки ба вазни худ аҳмият медиҳанд ва нафароне, ки ба касалии диабети қанд гирифторанд, ҳатман бояд кам мавиз истеъмол намоянд, ё ин ки пурра аз он даст кашанд.
Мавизро бо тарзҳои гуногун истифода мебаранд. Дар саноати қаннодӣ мавизро ба таркиби кандҳову кулчақандҳои гуногун илова менамоянд. Инчунин мавизро ба хуришҳо ва таомҳои гуногун низ илова мекунанд. Масалан, ба оши палов мавиз лаззати махсус мебахшад. Дар бисёр нушокиҳо ва шарбатҳои аз хушкмева тайёршуда мавиз ҷои мхсусро ишғол мекунад. Лекин, донистан дозим аст, ки ба шарбати мавизро 5 дақиқа пеш аз пурра тайёршавиаш ба онҳо илова мекунанд. Танҳо дар ҳамин вақт мавиз витаминҳою микроэлементҳои фоидаоварашро нигоҳ дошта метавонад.
Дар вақти харидории мавиз ба думчаи мавиз диққат диҳед. Он набояд кандашуда бошад. Дар мавриди кандашавии думчааш мавиз шираи худро гум мекунад ва сифаташ паст мешавад.
Нет комментариев