Ҳамлагари дастаи «ПСЖ» ва мунтахаби Фаронса — Килиан Мбаппе омода аст бо дастаҳои ба ӯ манфиатдор бо назардошти як қатор шартҳо гуфтушунид кунад. Дар ин бора Эл Ларгуэро хабар додааст.

Ба иттилои манбаъ, форварди фаронсавӣ мехоҳад 50 миллион евро маош дошта бошад ва ҳамчунин 120 миллион евро мукофотпулӣ бигирад. Қайд мешавад, ки дар ин марҳила Мбаппе то ҳол бо касе ба созиш нарасидааст. Ёдовар мешавем, ки қаблан маълумоте пайдо шуда буд, ки гузариши Килиан ба “Реал Мадрид”   наздик аст. Гуфта мешавад, ки фаронсавӣ аллакай тасмим гирифтааст, ки дар Мадрид дар куҷо зиндагӣ кунад.

Ёдовар мешавем, ки дар мавсими ҷорӣ ҳамлагари 24-сола дар ҳайати “ПСЖ” дар тамоми мусобиқот 28 бозӣ анҷом дода, 29 гол ва 7 партофти головар кардааст. Портали бонуфузи Transfermarkt арзиши бозории Мбапперо 180 миллион евро арзёбӣ кардааст.

Манбаъ: Варзиш-ТВ