Ҳуҷраи мактабхон ин утоқи универсалие, ки барои ба ҳама талаботи кӯдак ҷавобгӯ будан вазифадор аст. Ба ғайр аз хондан ва истироҳат кардан ҳар як кӯдак бояд вақтхушӣ низ кунад. Масалан, бо эҷодкорӣ, санъати рассомӣ ва варзиш машғул шавад. Вале ба ҳар хол аз ҳама муҳимаш ин муваффакиятҳои мактаббача дар таҳсили мактабӣ мебошад. Таҳкурсии асосии дониши мактабӣ доштан ниҳоят зарур аст. Вале на ҳама мактабхон таҳсил карданро дӯст медорад.

Агар ба чунин муносибати беэътиборонаи кӯдак ба таҳсил бодиқкат ва ҷиддитар аҳмият диҳем, мефаҳмем, ки мушкилот дар чӣ аст. Агар кӯшишу ҳаракати кӯдак нисбати таҳсил натиҷа надиҳад, мактабхон одатан аз таҳсил дилмонда мегардад. Бисёр вақт ин ҳолат роҳи ояндаи инкишофи нутқи кӯдакро муайян менамояд. Маҳз аз сабаби меҳр пайдо кардан ва ё накардан ба ин ё он фанни дарсӣ аз тафаккури ақлонии кӯдак вобастагӣ дорад. Дар ин ҷо оянда шахси эъҷодкор ё соҳибкор шудани кӯдак муайян мешавад. Маҳз аз ин ҷо кӯдак ба фаннҳои гуманитарӣ ва ё дақиқ рағбат пайдо мекунад.

Волидайн на ҳамеша ба касби интихоб кардаи кӯдакашон таъсир расонида метавонанд. Вале имконият доранд, ки барои ба орзуи худ расонидани фарзандашон кӯшиш намоянд. Ин мактабхонро бо тамоми мебели мувофиқ барои таҳсили комил таъмин намудан мебошад. Дар чунин ҳолат кӯдак дар оянда аз рӯи касби интихоб кардааш як шахси муваффақ шуда метавонад. Барои ин Шумо аввал дар ҳуҷраи мактабхон мизи қулайи хатнависӣ, курсии бачагона, компютери муосири аълосифат ва дигар намуди мебелҳо барои ҳуҷраи мактаббача муҷаҳаз гардонед. Дар ин ҷо ҳато кати хоб низ аҳмияти муҳим дорад. Албата мебел ба дониши мактабхон таъсири калон расонида наметавонад, аммо хоҳиши кӯдакро зиёд мекунад, то ки вақти бисёри худро дар ҷои барояш қулайу мувофиқу оромонаи фазои ҳуҷрааш гузаронад.

Барои он, ки кӯдак ҳуҷраи худро дуст дорад, ӯ дар ин ҷо худро бояд соҳиби он эҳсос кунад. Ба фарзандатон фаҳмонед, ки хамаи чизҳои дар ҳуҷрааш буда танҳо ба ӯ тааллуқ дорад. Барои худ бошад, ин қоидаро ба роҳ монед: Чизи ба кӯдак нолозим буда набояд дар ҳуҷраи ӯ бошад.

Мебели мувофиқ дар ҳуҷраи кӯдак ба мактаббача мусоидат менамояд, ки ӯ бо машғулияти дӯсдоштааш банд шавад. Ба ғайр аз ин мебели қулай ба тарбияи маданиятнокии кӯдак мусоидат мекунад. Масалан, кӯдак қабул кардани меҳмононро ба ҳуҷрааш меомӯзад, мефаҳмад, ки меҳмон хонаи ботартибу низоро мепарастад ва мустақилона барои тозаву озода нигоҳ доштани ҳуҷраи худ кӯшиш менамояд.

Ҳангоми интихоби мебел барои ҳуҷраи мактабхон набояд фаромӯш кард, ки кӯдакон хурсандӣ карданро дӯст медоранд ва вақтчоқии онҳо гуногун буда метавонад. Кӯдакро барои дар болои кат ҷахиданаш сарзаниш накунед. Беҳтараш кӯшиш кунед, ки дар ҳуҷраи мактабхон мебели босифату боқувват барои наврасон мавҷуд бошад. Дар ҳуҷраи кӯдакатон девори тамрини гимнастикиро ҷойгир кунед.

Агар Шумо кӯдаки худуро дуруст тарбия кардани бошед, ба ҷиҳати моддии тарбия беэътибор набошед. Дар тарбияи фарзанд ба Шумо муваффакият!