Ҳамлагари дастаи «Интер Майами» ва тими миллии Аргентина — Лионел Месси пешакӣ огоҳ шуда буд, ки ӯ дар охири мавсими 2022/23 ҷоизаи беҳтарин футболбози солро ба даст меорад, хабар медиҳад Bolasport бо такя ба дӯсти наздики футболбоз Алессандро Доссетти.
Бино ба иттилои Bolasport, Месси рӯзи 13-уми октябр фаҳмид, ки ба ӯ ин ҷоиза супурда мешавад.
Маросими супурдани “Тӯби тиллоӣ” рӯзи 30-уми октябр дар шаҳри Париж баргузор мешавад. Месси дар айни замон барандаи ҳафткаратаи ин ҷоиза аст.
Дар мавсими 2022/23 Месси қаҳрамони Фаронса шуд ва дар ҳайати «ПСЖ» дар тамоми мусобиқаҳо дар 41 бозӣ 21 гол ва 20 ассист ба даст оварда, Суперҷоми Фаронсаро ба даст овард.
Моҳи декабри соли 2022 форвард барои нахустин бор дар корномаи худ қаҳрамони ҷаҳон шуд ва дар ин мусобиқа бо тими миллии Аргентина пирӯз шуд.
Моҳи июли соли 2023 Месси ба дастаи “Интер Майами” гузашт. Футболбози аргентинӣ дар 13 бозӣ дар ҳайати тими Амрико 11 гол зада, 5 партофти головар кардааст.
Манбаъ: Варзиш-Тв
Нет комментариев