Истеъмоли як порсия (140 грамм) моҳии равғаннок (макрели, гулмоҳӣ, самак, озодмоҳӣ (лосось)) се бор дар як ҳафта, мушакҳои шахсони кӯхансолро аз фарсудашавӣ муҳофизат менамояд. Ин боз ҳам пурсамар хоҳад шуд, агар онҳо ба машқҳои ҷисмонӣ машғул шаванд. Дар синни 40-солагӣ сар карда, организми мо қобилияти мустақилона ҳосил намудани мушакҳоро гум мекунад ва ин танҳо бо ёрии машқҳои ҷисмонӣ бартараф шуданаш мумкин аст. Агар аниқтар карда гӯем, ба шахсони куҳансол ба камшавии мушакҳо истидагарӣ намудан мушкил мегардад.
Дар тадқиқотҳои чанде пеш гузаронида шуда, олимон ҳамбастагии истеъмоли моҳиҳои равғаннокро бо машқҳои ҷисмонӣ омӯхтанд. Дар натиҷа маълум шуд, ки ҳамбастагии мазкур ба афзоиши мушакҳо, қариб то 20 фоиз дар занҳои синни аз 60 сола боло мушоҳида гардид. Ҳангоми гузаронидани корҳои санҷишӣ, ки машқҳои ҷисмониро бе истеъмоли моҳӣ иҷро намуданд, нишон дод, ки афзоиши мушакҳо ҳамагӣ ба 11 фоиз баробар будааст. Пас аз омӯзиши 12-ҳафтаина занҳое, ки моҳӣ истеъмол менамуданд, аз ҷой бемалолтар мехестанд, роҳгардиашон низ беҳтар гардида, тестҳои мувозинатро беҳтар иҷро менамуданд.
Тадқиқотчиён чунин меҳисобанд, ки ҳамаи ин аз таркиби моҳии равғаннок, ки дар таркиби худ кислотаҳои эйкозапентаенӣ ва докозагексаенӣ доранд ва ин кислотаҳо хусусияти зиддиилтиҳобӣ доранд, вобастагӣ дорад. Олимон тасдиқ менамоянд, ки равғани моҳӣ ба илтиҳоби кӯҳнашуда, ки шахсони куҳансолро ба кам шудани мушакҳо оварда мерасонад, монеъ мегардад. Доктор Стюарт Грей чунин меҳисобад, ки равғани моҳӣ барои барқарор намудани мушакҳо бисёр муфид мебошад.
Нет комментариев