Баҳри рушди футбол, ҷалби васеи омма ба варзиш ва тарзи ҳаёти солим тибқи нақшаи чорабиниҳои Бахши ҷавонон, варзиш ва сайёҳии шаҳри Хуҷанд, Федератсияи футболи шаҳр санаҳои 4 то 26 январи соли равон мусобиқаи анъанави шаҳри Хуҷанд оид ба футбол байни бачагон ва наврасони солҳои таваллудашон 1999-2000, 2001-2002 ва 2003-2004 барои дарёфти мукофоти «Бойчечак-2016» дар майдони варзишии Муассисаи давлатии «Мактаби варзишии бачагон ва наврасони №1»-и шаҳри Хуҷанд баргузор гардид, ки дар он 480 нафар наврасону ҷавонон иштирок намуданд.
Мусобиқа байни наврасони синну соли 2003-2004 аз санаҳои 4 то 11 январи соли равон баргузор гардид. Дар ин мусобиқаи варзишӣ 10 даста, дар маҷмӯъ 120 нафар наврасон иштирок намуданд. Дар натиҷа дастаи “Сирдарё” сазовори ҷои аввал, дастаи “Ли-нинг” сазоври ҷои дуюм ва дастаи “Гимназияи №4” сазовори ҷои сеюм гардид. Ҳамчунин байни наврасони синну соли 1999-2000 аз санаҳои 12 то 18 январи соли равон баргузор гардид. Дар мусобиқа 12 даста 180 нафар наврасон иштирок намуданд. Дар ин мусобиқа бошад дастаи “МВБН№1” сазовори ҷои аввал, дастаи “Гимназияи №4” сазоври ҷои дуюм ва дастаи “Амид” сазовори ҷои сеюм гардид.
Ҳамчунин наврасони синну соли 2001-2002 низ аз санаҳои 19 то 26 январи соли байни дастаҳои худ мусобиқа гузарониданд, ки барои ҳааводорони варзиш писанд омад. Дар мусобиқа 12 даста, 180 нафар наврасон иштирок намуданд. Дастаи наврасони “МВБН№1” сазовори ҷои аввал, дастаи “Дӯстӣ” сазоври ҷои дуюм ва дастаи “МТМУ№14” сазовори ҷои сеюм гардид.
Дар интиҳои ҳафта маросими ҷамъбасти мусобиқаи мазкур баргузор гардид, ки дар он щолибон ва ҷоизадорони мусобиқа бо медал диплом, ҷом ва тӯҳфаҳои хотиравӣ қадрдонӣ карда шуданд.
Манбаъ: http://khujand.tj/
Нет комментариев