Аз 19 то 24 сентябри соли равон дар Қасри тенниси шаҳри Душанбе Мусобиқаи байналмилалӣ оид ба теннис байни наврасон барои дарёфти “Ҷоми Президенти Тоҷикистон” баргузор мешавад.
Дар назар аст, ки дар ин мусобиқаи байналмилалӣ варзишгарон аз кишварҳои Арманистон, Туркманистон, Қазоқистон, Украина, Эрон ва дигар кишварҳо иштирок намоянд.
Тавре ки аз Кумитаи ҷавонон, варзиш ва сайёҳӣ хабар доданд, ин 6-умин мусобиқаи байналмилалӣ оид ба теннис мебошад, ки теннисбозони наврас барои ба даст овардани «Ҷоми Президенти Тоҷикистон» миёни худ рақобат мекунанд.
Ёдрас мешавем, ки “Ҷоми Президенти Тоҷикистон оид ба теннис” аз соли 2005 таъсис ёфта, дар байни варзишгарони наврас гузаронида мешавад.
Дар ин бора khovar.tj хабар медиҳад.
Нет комментариев