www.tribun.tj

Барои  пурра  гардонидани  қушунҳо  аз   тарафи   комиссариати  ҳарбии вилояти   Суғд  ба комиссариати  ҳарбии  шаҳри  Хуҷанд  нақшаи даъват   ба хизмати ҳарбӣ 141 нафар  муқаррар шуда буд.  Масъулини  комиссияи  даъват, иттилоъ  дода буданд, ки  нақшаро пеш аз мӯҳлат  ба сомон мерасонанд.  Дар  ҷаласаи  ҷамъбастии  комиссияи  даъвати тирамоҳии  ҷавонон  ба сафи артиши миллӣ  раиси  комиссияи  даъват  дар шаҳри  Хуҷанд  Иброҳим  Иброҳимов  иттилоъ дод, ки санаи 2-уми октябр бошад  аз аввалинҳо шуда аз шаҳри  Хуҷанд  40 нафар  ҷавонони синни даъват ба сафи қувваҳои мусаллаҳи кишвар ба хизмати модар ватан,  дар вазъияти  тантанавӣ гусел карда шуданд.  Ҳамчунин қайд гардид, ки  ба сафи  қувваҳои  мусаллаҳи кишвар  142 нафар  ҷавонони  солҳои таваллудашон  1987-1996  сафарбар карда шуданд, ки аз ин теъдод  115 нафар  аз оилаҳои  коргар,  19 нафар  аз оилаи  деҳқонон  ва 6 нафар  сафарбаршудагон аз хонаводаҳои  мансабдорон  мебошанд. Дар ин рӯз, дар  вазъияти тантанавӣ   аъзоёни фаъоли  комиссияи даъват  ва  раисони  кумитаҳои  махаллаҳо бо  ифтихорнома  ва тӯҳфахои хотиравӣ қадрдонӣ шуданд. Дар ин бора ҳамкоронамон аз телевизиони Азия иттилоъ медиҳанд.