Дар толори Маркази фарҳанги шаҳри Хуҷанд оид ба натиҷаҳои фаъолияти мақомоти иҷроияи ҳокимияти давлатии шаҳр ва рушди соҳаҳои иҷтимоию иқтисодии шаҳр дар нуҳ моҳи соли 2018 таҳти роҳбарии Раиси шаҳри Хуҷанд Маъруф Муҳаммадзода ва бо иштироки муовини аввали Раиси вилояти Суғд Рустам Раҳматзода маҷлиси фаъолон баргузор гардид.
Нахуст, оид ба оид ба натиҷаҳои фаъолияти мақомоти иҷроияи ҳокимияти давлатии шаҳр ва рушди соҳаҳои иҷтимоию иқтисодии шаҳр дар нуҳ моҳи соли 2018 Ҷамшед Абдуқаюмзода, муовини Раиси шаҳри Хуҷанд иттилоъ дода, аз ҷумла афзуд, ки дар нуҳ моҳи соли 2018 ба мақомоти иҷроияи ҳокимияти давлатии шаҳр 4113 адад муроҷиатҳои шахсони воқеӣ ва ҳуқуқӣ ворид гардид. Аз теъдоди умумии муроҷиатҳои воридгардида вобаста ба масъалаи гирифтани қитъаи замини наздиҳавлигӣ бақайдгирии манзил ва биноҳои сохташуда оид ба сафари ҳаҷ хоҷагии манзилию коммуналӣ ва ғайраҳоро ташкил менамояд.
Дар давоми нуҳ моҳи соли 2018 нақшаи қисми даромади буҷети давлатии шаҳр 101,3 фоиз таъмин гардида, ба буҷет 278,6 млн. сомонӣ ворид шуд, ки нисбат ба нақшаи тасдиқ гардида, 3,6 млн. сомонӣ зиёд мебошад. Ҷамшед Абдуқаюмзода гуфт, ки дар давраи ҳисоботӣ дар Минтақаи озоди иқтисодии “Суғд” 11 корхонаи саноатӣ фаъолият намуда, аз тарафи онҳо ба маблағи 84,0 млн. сомонӣ истеҳсоли маҳсулот, корҳои сохтмонӣ, савдо ва хизматрасонӣ ба иҷро расонида шудааст.
Сипас, аз тарафи Раиси шаҳри Хуҷанд Маъруф Муҳаммадзода роҳбарони як қатор идораву ташкилот, аз ҷумла сарраёсати ободонӣ, хоҷагию манзилӣ ва коммуналӣ, маориф, тандурустӣ, нозироти андоз, кумитаи маҳаллаҳо, раёсати молия, ҳифзи муҳити зист ва ғайраҳо доир ба вазъи иҷрои самтҳои фаъолият пурсиш ба амал оварда шуда, муҳлатҳои муайян гузошта шуд.
Рустам Раҳматзода, муовини аввали Раиси вилояти Суғд доир ба татбиқи Барномаву стратегияҳои миллӣ, вазъи иҷрои буҷаи маҳаллӣ, нақшаи даъвати ҳарбӣ, маъракаи “Обуна 2018” аз масъулин пурсиш ба амал оварда, эшонро вазифагузорӣ намуд.
Манбаъ: Дафтари матбуоти Раиси шаҳри Хуҷанд
Нет комментариев