Бо иштироки Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода ва Раиси шаҳри Хуҷанд Маъруф Муҳаммадзода ба ярмарка-фурӯши маҳсулоти кишоварзӣ, ширинӣ ва дигар ниёзи аввалия ба муносибати моҳи шарифи Рамазон дар майдони назди театри Камоли Хуҷанд ҳусни оғоз бахшида шуд, ки он ҳамарӯза то санаи 5 –уми майи соли равон сурат мегирад.
Раиси вилояти Суғд Раҷаббой Аҳмадзода зимни боздид аз ярмарка ба масъулини дахлдор ҷиҳати боз ҳам фаровон намудани ин тадбири муҳими аҳамияти иҷтимоидошта дастуру супоришҳои мушаххас дод.
Ҳамзамон таъкид шуд, ки бояд нархи фурӯши маҳсулот аз бозор 20-30 фисад арзон бошад. Таваҷҷуҳи бештар ба афзун намудани номгуйи маҳсулоти ниёзи аввалия карда шуд, то ин, ки дастархонаи идонаи мардум бо нархҳои дастрас таъмин карда шавад.
Раҷаббой Аҳмадзода таъкид намуд, ки ташкили ярмарка-фурӯши маҳсулоти кишоварзӣ, ширинӣ ва дигар ниёзи аввалия дар остонаи моҳи шарифи Рамазон тибқи дастуру супориш ва ҳидоятҳои Асосгузори сулҳу Ваҳдати миллӣ,Пешвои миллат, Президенти мамлакат муҳтарам Эмомалӣ Раҳмон бо мақсади фаровон ва ғанӣ намудани хони солинавии мардум сурат гирифта, он ҳамарӯза то санаи 5 –уми майи соли равон идома хоҳад ёфт.
Дар ярмарка ба сокинони шаҳри Хуҷанд аз бозор 20-50 фисад арзиши маҳсулот пешкаш карда шуданд. Масалан нархи як кило гӯшти гов 34 сомонӣ, гӯшти гӯсфанд 35 сомонӣ, як килои пиёз аз 0, 50 дирам то 1 сомонӣ, сабзӣ 2-2,5 сомонӣ, картошка 1,5-2 сомонӣ, карам 1,5 сомонӣ, як кило равған 10 сомонӣ, як дона тухм 0,60 дирам ва ғайра арзиш доштанд. Маҷмуъан кишоварзони вилоят беш аз 170 тонна маҳсулотро ба харидоронро пешниҳод намуданд.
Мардум аз ин фаровонии ярмарка фурӯши маҳсулоти кишоварзӣ изҳорӣ хушнудӣ намуда, ба ташкилкунандагони он арзи сипос намуданд.
Манбаъ: Дафтари матбуоти Раиси шаҳри Хуҷанд
Нет комментариев