21-22 апрел дар ҷумҳурӣ ҳавои номусоид шуда, борон меборад. Шабона дар баландиҳои зиёда аз 2500 метр барф борида, дар ноҳияҳои алоҳида бориши бошиддат дар назар аст. Дар ин бора аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» хабар доданд.
Дар ин рӯзҳо инчунин раъду барқ ба амал омада, боридани жола пешбинӣ мешавад. Дар дарёҳои аз нишебиҳои ҷанубии қаторкӯҳҳои Ҳисор ҷоришаванда- Қизилсӯ, Ёхсӯ, Вахш (Сурхоб) ва Обихингоб баландшавии сатҳи об пешгӯӣ мешавад.
Дар ноҳияҳои алоҳидаи кӯҳӣ ва доманакӯҳии ноҳияҳои тобеи марказ, вилояти Суғд, вилояти Хатлон ва ноҳияҳои ғарбии Вилояти Мухтори Кӯҳистони Бадахшон фаромадани сел аз эҳтимол дур нест.
Манбаъ: АМИТ «Ховар»
Нет комментариев