Сарояндаи номдори шаҳри Хуҷанд, оне, ки дар оилаи санъаткори номӣ ба дунё омадааст Фирдавс Муҳиддинов бо суруди худ “Гулимано” дар ҳафтаи сипаригашта бо гирифтани 11 овоз дар лоиҳаи “Хит парад”-и ҶАВОНӢ ғолиб гардид.
Фирдавс Муҳиддинов 20 октябри соли 1983 дар шаҳри бостонии Хуҷанд, дар оилаи санъаткори шинохта, ҳофизи эстрадаи тоҷик Муҳаммадҷон Муҳиддинов чашм ба олами ҳастӣ кушодааст. 2-умин фарзанди хонадон. Мисли дигар ҳамсолонаш ба мактаб мерафт, футболбозӣ, ошуқпарронӣ… хулоса аз дигар бачаҳо фарқе надоштааст, фаъолияти эҷодии худро аз хурдӣ оғоз карда, соли 2003, аввалин маротиба дар театри мазҳака ва мусиқавии Камоли Хуҷандӣ, дар чорабинии “25 солагии фаъолият дар эстрадаи тоҷик”-и падари бузургвораш Муҳаммадҷон Муҳиддинов баромад кардааст. Ин бошад, ҳам пешниҳоди падараш буд. Мумкин ҳамон солҳо, обрую нуфузи падараш дар ҷодаи санъат, ӯро ба сурудхонӣ водор намесохт- чунки Муҳиддинови сароянда ягона буд ва ба сатҳи он кас расида боз як Муҳитдинов-ро дар саҳна офаридан ба фикру хаёлаш ҳам намеомад. Ҳамон давраҳо, хонаи онҳо пур аз эҷодиёт ва таронаҳои падараш буд.
Лек афсӯс, умри санъаткори асил – Муҳитддинов Муҳаммадҷон, кӯтоҳ будааст…
Барои дастгирии маънавии оилаашон, мухлисони сершумор ва асосииаш барои хотираи руҳу арбоҳи падари бузургвораш Фирдавс Муҳиддинов қарор кард, то ки ба саҳна ҳамчун сарояндаи касбӣ барояд…Хушбахтона то имрӯз Фирдавс бо суруду таронаҳои ҷолиби худ ҳамаи мухлисонашро хурсанд менамояд.
Нет комментариев