Сабаби асосии инкишофиёбии хирашавии чашмони кўдак бо тамошои барномаҳои телевизионӣ ё бозиҳои компютерӣ алоқаманд буда наметавонад, ба чунин хулоса омадааст духтури чашм Скотт Рид, хабар медиҳад ScienceDaily.
Кўдаконро аз назди оинаи нилгун дур накунед.
Агар кўдак соатҳои зиёд дар назди оинаи нилгун нишаста, телевизор тамошо кунад, ин маънои онро надорад, ки ў ба бемории чашм гирифтор мешавад. Дар пайдоиш ва инкишоф ёфтани хирашавии узви биноии кўдакон норасогии равшании табиӣ нақши муҳим мебозад.
Барои пешгири кардани эҳтимоли пайдошавии бемории чашм дар кўдакону наврасон ва боздоштани инкишофёбии сустшавии биноии босираи онҳо кўдакон бояд ҳамарўза ду соати вақти худро дар кўча, ҳавои кушоду манзараи зебои табиат гузаронанд. Дар хона ҳатто кўшиш ҳам накунед, ки фазои равшании табииро фароҳам оред, зеро он хоҳу нохоҳ барои чашмони кўдак камӣ хоҳанд кард.
Таъсир мерасонанд, вале қисман.
Духтур Рид дар конфронси Австралия бо маърўзаи худ баромад карда, қайд намуд, ки таъсири нури равшании телевизор, компютер ва гаджетҳо ба хирашавии чашмони бачаҳо қисман зарар расонида метавонад. Кўдаке, ки бо бозиҳои компютерӣ ва тамошои филмҳо шавқаманд ҳаст ва вақти зиёди худро дар дохили хона мегузаронад, ин боиси сустшавии узви бинои чашмонаш шуда метавонад. Вале миқдори соате, ки кўдак дар назди телевизор ё компютер мегузаронад, сабаби пайдошавӣ ё пастшавии биноиши чашмонаш шуда наметавонад.
Нет комментариев