Ширкати Artefact Group бо таъсис додани тибби оянда машғул шуд. Аз ҷумла мутахассисони Artefact Group ғояи пурраи системаи тиббиро коркард намуданд, ки доимо аз пайи бемор дар шароити хона назорат мебарад. Ин чиз бо шарофати дастгоҳҳои техникии махсус имконпазир гардид. Ба ғайр аз ин, мувофиқи нақша, ҳар як одам аз лабораторияи ҳаракаткунанда истифода бурда метавонад, ки кори он комилан мустақилона мебошад. Ин гуна фикр аз сабаби танбалии одамон ба сари коркардчиён омдааст. Бисёрии одамон ба муоинаи пешгирикунии беморӣ ба назди духтур омадан намехоҳанд. Аммо ин чиз муҳим аст, зеро сарзании дараҷаи аввали бемории хатарнокро бе муоина мушоҳида кардан номумкин аст. Бинобар ин, офаридани системае қарор дода шуд, ки ба ҷойи одам дар хона ҳамаи амалиёти санҷишии тиббиро мегузаронад. Дар доираи он дачикҳо ба нишастгоҳи халоҷо (унитаз), кат, яхдон ва дигар ашёҳо часпонида мешаванд. Ҳамин тавр, дар бораи тарзи ҳаёти инсон иттилоот ҷамъоварӣ ва коркард карда мешавад. Агар система оид ба саломатии соҳибаш ягон чизи носозгорро пай барад, дар ҳол мустақиман ба хона лабараторияи ҳаракаткунандаро даъват мекунад. Лаборатория, ки бо интеллекти сунъӣ муҷаҳҳаз гардонида шудааст, ҳама таҳлилҳои асосиро гузаронида, ташхис мебарорад ва ҳатто барои пешгирии бемории сарзананда таъинот медиҳад. Агар беморӣ хатарнок бошад, пас шахси бемор ба назди духтурон – одамон фиристода мешавад.
Дар Маркази бемориҳои дил ва ҷарроҳии дилу рагҳои Суғд бахши ташхис ва табобати рентген-эндоваскулярӣ фаъол гардид
Дар Маркази бемориҳои дил ва ҷарроҳии дилу рагҳои вилояти Суғд бо иштироки раиси вилояти Суғд Раҷаббой Аҳмадзода бахши ташхис ва табобати рентген-эндоваскулярӣ ба фаъолият шурӯъ намуд, хабар ...
Нет комментариев