Имрузҳо дар бозору мағозаҳои шаҳр аллакай сабзавоту меваҳо ба фурӯш бароварда шудаанд. Аммо ин молҳоро дар зимистон мо бо нархи қиммат пайдо мекунем. Барои ҳамин ҳам бояд чунин сабзавотро бояд захира кардан лозим.
Биёед ба шумо тарзи дуруст маҳкам кардани консерваро гуфта медиҳем. Имрӯз мо аз бодиринг консерва тайёр мекунем.
Барои ин ба мо чунин маҳсулотҳо лозим мешаванд: бодиринг -2 кг, барги гор(лавровый) – 2 дона, мурчи сиёҳ – 6 дона, сирпиёз – 5 дона, қаламфури тунд мувофиқи табъ, намак 2 қошуқ, сирко 1 қошуқча, шибит ва кахзак.
Бонкаи шишагиро бо сода тоза мешӯем. Сарпӯшҳоро меҷӯшонем. Бодирингро чида дар об ба мӯҳлати 4-5 соат мегузорем. Кабудиҳоро низ тоза карда мешӯем. Ба бонкаҳои шишагии тайёр шуда кабудӣ ва сирпиёзро мегузорем. Бодирингро зич ба бонка ҷой мекунем. Оби ҷӯшро то пур шудани бонкаи шишагӣ мерезем. Бо сарпӯш болояшро пӯшида ба якчанд дақиқа мегузорем. Пас обашро ба дег мерезем. Ба болояш намак ва шакарро меандозем ва меҷӯшонем. Ба болои бодиринг бошад дуюм бор оби ҷӯшро мерезем. Вақте, ки оби дегамон меҷӯшад оби бодирингро ба сатил мерезему ба болояш оби ҷӯшидаи дегро меандозем. Аз болояш сиркоро мерезем ва сарпӯшашро маҳкам менамоем. Пас ҳавоногузарии онро аз назар гузаронед. Бонкаҳои маҳкам кардаамонро чапа карда болояшро хуб пӯшед. Дар ҳамин ҳолат то хунук шуданаш гузоред. Ана бодирингҳои мо барои фасли зимистон тайёр шудаанд.
Ин намуди тайёркунии маҳсулот барои фасли зимистон ҳар яки мо карда метавонем. Фақат барои ин хоҳиш лозим. Нарху навои сабзавот низ арзон аст. Ё ин ки қариб ки дар хонаи хар яки мо майдончаи назди ҳавлигӣ ҳаст. Дар он ҷо помидор бодиринг ва дигар намудҳои сабзавот парвариш карда истодаем. Аз ин ҳам мо метавонем истифода барем.
Нет комментариев