Электроникаи ҳамроҳгир –ин равияи (тенденция) нав таваҷҷӯҳи ҳамаи ширкатҳои технологӣ аст, лекин то ҳол касе аз онхо маҳсулоти ҳақиқатан оммавӣ ва шӯҳратёбро ба таваҷҷӯҳи омма пешниҳод накардаанд.

Чи хеле ки сомонаи www.3dnews.ru хабар медиҳад, сафи таҷҳизотҳое, ки аз асбобҳои гуногун, ба монанди ойнак – соат то ойнаки наворбардор иборат аст, хеле диққатҷалбкунанда буда, бозори он солҳои наздик бо суръат калон мегардад. Кормандони сомонаи CNet бо сардорони ширкатҳои технологии ARM, Broadcom, Freescale, Intel, Mediatek ва Qualcomm бо мақсади фаҳмидани хулосаи онҳо нисбати ин таҷҳизотҳо сӯҳбат гузарониданд.

Соҳаи ин таҷҳизотҳо хеле васеъ мебошад

Дар ин соҳа пешвои ягона ҳоло маълум нашудааст, лекин бисер ширкатҳо ба он ҳаракат карда истодаанд. Бо далелҳои ширкати Accenture, 90% ҳаҷми фурӯши ин бозор ба ширкатҳои Nike, Fitbit ва дигарон таалуқ дорад. Лекин ширкатҳои Sony ва Pebble таҷҳизотҳои мукаммалтаринро ихтироъ карда истодаанд, ки он бо вазифаҳои муосиртарин, ба монанди хабардиҳӣ, шароити наворгирии расмҳо, гузоштани навгониҳо(установка приложений) таъмин карда шуаанд.

Samsung соатҳои нави «Gear» — ро пешниҳод карда ҳаракат кард, ки пешвои соҳаи таҷҳизотҳои ҳамроҳгир шавад, лекин ҳаҷми фурӯши соатҳо номаълум аст. Дар навбати худ ширкати Google ба таваҷҷӯҳи мухлисон ойнакҳои навтарини «Glass» — ро пешниҳод кард.

Айни замон дилхоҳ ширкат қобилияти ба бозори технологияи навтарин таҷҳизоти худро пешниҳод карданро дорад. Лекин ҳеҷ ягон ширкат асбоби ҳақиқатан барои харидор қулайро пешниҳод карда натавонист, ки он қобилияти хуби мувофиқати сифат ва нархро дошта бошад. «Мо намедонем, ки ғолиб меояд» — қайд кард сарвари ширкати Qualcomm Стив Молленкопф (Steve Mollenkopf). Мутахассисон интизори баромадани ширкати Apple ба ин бозор буда, ғолибиятро ба Apple пешгӯӣ мекунанд.

Дастпонаҳои тиббӣ ва фитнес дастпонаҳо ғолиби ин бозор мемонад.

Бисер дастпонаҳое, ки имрӯз васеъ ба фурӯш меравад, ин  дастпонаҳои тиббӣ мебошад, ва ин равия давом хоҳад дод. Лекин ин асбобҳо ҳам рӯз аз рӯз тараққӣ карда истода, сифат ва вазифаи худро ба сатҳи олӣ бароварда истодааст. Сенсорҳои нав қобилияти васеи баҳо додан ва гирифтани маълумоти биометрикиро дорад. Масалан, бисер ширкатҳо ҳаракати онро доранд, ки усули гирифтани таҳлили хунро бе протсесси хунгирӣ аз одам аз худ кунанд. «Ин намуди сенсорҳо ба пешниҳодот тайер шуда истодаанд», — қайд кард иҷрокунандаи вазифаи сарвари ширкати Broadcom Скотт МакГрегор (Scott McGregor).

Бояд мунтазири зиёд шудани адади иштирокчиён бошем

Ихтирои дастпонаи тиббӣ ё соатҳои доно нисбати баровардани смартфон ё ноутбук – на он қадар меҳнати калон аст. Истеҳсолони чипҳо, барои васеъ гардонидани бозори электроникаи ҳамроҳгир, раванди истеҳсоли онро содда гардонида истодаанд.

Барои ширкатҳое, ки нияти баровардани ин маҳсулотҳоро бо тамғаи худ доранд, намунаи ороишҳо ба истеҳсол монда шудааст. Ба ғайр аз он, намудҳои платаи электронии бо қисматҳои зарурии якҷояшуда  ба истеҳсол монда шудааст. «Якҷоя кардани қисматҳои зарурӣ харҷи бисерро талаб намекунад, ба ширкатҳои нав барои даромадан ба ин бозор дарҳо боз карда шудаанд», — мегӯяд сардори ширкати ARM Саймон Сегарс (Simon Segars).

Дастгоҳҳои таъминоти маблаӯгузорӣ ба монанди Kickstarter ба ихтироъкорони бомақсад барои ҷомаи амал пӯшидани нақшаҳои сертакаббури онҳо ёрӣ мерасонад. Ин равия давом хоҳад дод, лекин истеҳсолони чипшо дар назар доранд, ки бозор диққати ширкатҳои калонро, ки бисер соҳаҳои технологияи навтаринро ишғол карданд, ба худ ҷалб мекунад. Масалан, истеҳсолкунандагони асбобҳои тиббӣ ё соатҳои дастии анъанавӣ.

Бояд ба намуди зохирӣ бештар таваҷҷӯҳ кард

Бисёр соатҳои доное,ки дар бозор дастрасанд, инчунин, ойнакҳои Google Glass бисер калонҳаҷм менамоянд. Бо мурури замон ба мӯд, намуди зоҳирӣ ва ороиш бисертар таваҷҷӯҳ дода мешавад. “Барои  қабул шудани чунин таҷҳизотҳо дар бозори истеъмол, бояд намуди зоҳирии онҳоро то чунон дараҷа беҳтар кард, ки истеъмолкунандагон онҳоро ҳамавақт ба бар гирифта гарданд”, — қайд мекунад сарвари дастгоҳи мобилии Intel Майкл Белл (Mike Bell). – Ба фикри ман муаммои асосӣ ин экрани паҳни чорбурҷаи сенсорӣ мебошад – бо мурури вақт  истеъмолкунандагон аз истифодабарии чунин таҷҳизоти ноқулай даст мекашанд”.

Ширкатҳо оҳиста қадамҳои худро сӯи ислоҳкунии чунин норасоӣ монда истодаанд. Масалан, ширкати Pebble тафсири нави таҷҳизоти худро пешниҳод кард, ки он зоҳиран ба соатҳои оддии дастӣ монанд шудаанд. Ширкати Google ба қарибӣ тафсири нави чанбаракҳои тиббии Glass — ро пешниҳод кард, ки онҳо зоҳиран ба ойнакҳои оддии замонавӣ монанд шудаанд

Ссылка на ВИДЕО (http://pdl.vimeocdn.com/67410/647/217144108.mp4?token2=1391514723_3468936cced6cbc012d3ec3c2154a895&aksessionid=2b667bd9843d4729)

 Идомаи маводро дар нашрхои оянда метавонед мутолеъа намоед.

 Сарчашма: http://www.3dnews.ru/800616