Манбаи назораткунандаи ихроҷи ахбороти шахсӣ дар интернет сомонаи LeakedSource.com хабар дод, ки дар интернет махзани ахборотӣ бо логинҳо ва паролҳои 98 миллиону 200 000 истифодабарандагони хадамоти почтавии Рамблер дарёфт гардид. Шикасташавии хадамот моҳи феврали соли 2012-ум оғоз ёфта, вале ахборотҳои асосии шахсии истифодабарандагон акнун дар интернет пайдо шудаанд.
Дар “Рамблер” мегӯянд, ки дар бораи шикасташавии сомона бохабаранд. «Ягон мушкилӣ инҷо ба назар намерасад: ин махзани ахборотӣ ҳанӯз соли 2014-ум ба ҳама ҷой паҳн шуда буд ва пас аз таҳлили он мо муайян намудем, ки 4 миллион истифодабарандагони фаъол беобрӯ карда шудаанд, зеро пароли ҳамаи онҳоро дар сомона шикастаанд», хабар медиҳад ба расонаҳо намояндаи Rambler & Co Софя Иванова.
Ин маънои онро дорад, ки ягон парол барои дастрасӣ пайдо кардан ба аккаунти амалкунанда мувофиқ намеояд. Одамон бисёр вақт пас аз пароливазкунии иҷборӣ пароли пешинаи худро барқарор мекунанд ё вариантҳои оддитаринро дар намуди пайдарҳамии шумора аз рақами 1 то 8 истифода мебаранд.
Дар Rambler & Co қайд мекунанд, ки паролҳо кайҳо боз дар намуди рақамикунонидашуда нигоҳ дошта мешаванд. Ба ғайр аз ин ба истифодабарандагон тавсия медиҳанд, ки аз авторизатсияи душакла истифода баранд. Ин дар ҳоле, ки агар ба онҳо барои ҳимояи иловагӣ ба ғайр аз навиштани парол навиштани SMS-код талаб карда шавад.
Бовуҷуди ин дар ширкат ваъда доданд, ки ҳама ҳолатҳои ба ҳам мувофиқ омадани паролҳоро аз махзани ахборотии кӯҳна месанҷанд ва дар ҳолати ба якдигар мувофиқ омадани онҳо пароли истифодабарандагонро иҷборан иваз мекунанд.
Нет комментариев