Патентҳои аҷоиби Google
Hi-news.ru. Яке аз асосгузорон ва сардорони Google Эрик Шмидт боре гуфтааст, ки системаи патенти аз аввал барои ҳифзи ихтироъкорон бароварда шудааст ва он имрӯз ба ботлоқи даъвои судӣ ва ба нобудкунандаи ихтироъкорон табдил гаштааст.
«Ин ҷангҳои патентӣ мурдаанд» — гуфт ӯ соли 2012 – «Ҳар кас барои эҷодиёт равандеро интихоб карда метавонад. Барои ҳамин ҳам кори судҳо бояд бастани гузариши таҷҳизотҳои навихтироъкарда шуда аз як давлат ба давлатӣ бошад».
Аҷоиботи ин гуфтаҳо дар он мебошад, ки Гугл яке аз пурсамартарин ташкилдиҳандагони патент гаштаанд. Соли 2013 тадқиқотчиёни MIT хабар доданд, ки олимони доноӣ Гугл дар як рӯз то 10 патент ба даст оварданд. Ширкати ба рӯйхати 10 пурсамартарин дорандагони патент дар Америка даромадааст.
Андешаҳое ҳастанд, ки Гугл тариқи хомӯши назари худро ба патент иваз намудааст, то ки системаи амалиётии Андроид барои таҷҳизотҳои мобилии худро ҳифз намояд. Чунин ҳолатро Apple низ ҳангоми баровардани iPhone дар соли 2007 карда буд.
Бисёр патентҳо ба кори Андроид, системаи ҷустуҷӯйӣ ва дигар хизматрасониҳо тааллуқ доранд. Дигарон ин тағйиротҳоро дар баромадани навгониҳои оянда мебинанд, ки ин ширкати интернетӣ нияти истеҳсол кардан дорад. Масалан, автомобилҳои беронанда.
Ба шумо рӯйхати 10 аҷоибтарин патентҳои Гугл пешниҳод карда мешавад, ки дар солҳои охир ба қайд гирифта шудаанд.
Навкунандаҳои расм(комиксы) дар шабакаҳои иҷтимоӣ
Мутобиқи аризаи пешниҳоднамуда Гугл барои гирифтани патент, истифодабаранда метавонад мавзӯъ ва нақшаро мустақилона интихоб намояд, филми тасвириро бо сарлавҳа ва матн пешкаш намояд, ки онҳоро истифодабаранда тағйир дода тавонад. Чунин ҳуқуқро Гугл соли 2013 ба даст овард, аммо то ҳол замимаи сохтани комиксҳоро набаровардааст.
Маркази таҳлилии маълумотҳои шинокунанда.
Ҳар гоҳ, ки шумо ба ҷустуҷӯяки Гугл ворид мешавед, ӯ қувваи барқ сарф мекунад. Дар соли 2010 ин ҷустуҷӯяк 2,26 миллион киловатт-соат барқ сарф кардааст. Ин баромади семоҳаи нерӯгоҳи атомӣ мебошад.
Барои сарфакорона истифода бурдани маблағ, Гугл соли 2008 ба маркази таҳлилии маълумоти шинокунанда патенте ариза навиштааст. Он аз баржа ё киштии боркаш истифода шуда, ҳангоми баланд шудани қувваи ҳаракати об онро ба барқ табдил медиҳад, ки боиси ба кор омадани сервери Гугл мешавад.
Назар ба патентӣ футуристи нигоҳ накарда, моҳи октябри соли 2013 хабарҳое пайдо шудаанд, ки ширкати Гугл дар ҳақиқат чунин таҷҳизотро истеҳсол карда истодааст. Маълум гашт, ки структураи чорошёнаи аҷоиб дар баржаи назди халиҷи Сан-Франсиско сохта шуда истодааст. Дертар чунин баржаро дар бандари Мэн дидаанд.
Таҷҳизоте, ки намуди клавиатураро ба даст мегардонад.
Google Glass, таҷҳизоти ҳамроҳгири Гугл мебошад, ки аз айнак иборат буда, бо овоз ва имову ишора кор мекунад.
Соли 2013 Google барои патент ба технологияи бо номи «тарз ва услубҳо барои таҷҳизотҳои виртуалии воридкунанда ё истифодабаранда» ариза додаст. Гарнитураи Google Glass клавиатураи виртуалиро ба панҷаҳои истифодабаранда месозад, ки онро ба тачскрини виртуалӣ, дар намуди смартфон, табдил медиҳад.
Холкубӣ (татуировка) ба гардан бо микрофон ва детектори дурӯғ
Дар «Футурама» ба таври шӯхӣ пешниҳодеро иброз намудаанд, ки истифодабарандагони ояндаи смартфонҳо метавонад телефонро дар «чашм» гирифта гарданд. Лекин идеяи Гугл дар бораи имплантацияи микрофон дар гулуи истифодабаранда – гапи дурӯғ нест.
Соли 2012 ширкати Google Motorola Mobility, зери номи «пайвасткунии татуировкаи электронӣ дар пӯст бо таҷҳизоти мобилӣ» барои гирифтани патент ариза пешниҳод намуд. Яъне ки пайваст намудани микросхемаи хурдакак ба тарафи берунаи гулӯи истифодабаранда мебошад. Касоне, ки чунин намудро намехоҳанд, он гоҳ микросхемаро ба гиребон ва ё гарданбанд муҷаҳҳаз карда мешавад.
Бо дархост, татуировкаро чунин кардан мумкин, ки ҳангоми тарангшавии мушакҳои гардан он равшан мешавад. Ғайр аз ин дизайнерҳо метавонанд, датчики ҷавоби пӯстро ба осонӣ ба таҷҳизоти детектори дурӯғ муайянкунанда табдил диҳанд.
Асои суратгиранда
Яке аз нишонаи фарқкунандаи Google Maps ин маҷмӯи суратҳои кӯчагӣ мебошад, ки истифодабаранда шароити сайру гаштро дар кӯчаҳои шаҳр пайдо менамояд. Ба иловаи ин Гугл нашри расмҳои 360 градусаи пайроҳаҳои сайёҳии Америкаи Шимолиро, ки суратгирони ширкат бо ёрии камераҳои хурдакаки дар борхалтаҳо ҷой карда шудаанд, пешкаш намуданд.
Соли 2013 ширкати Google патентро барои таҷҳизоте тасдиқ намуд, ки бо ёрии он расмгирии атрофро осон менамояд. Ариза бо номи «Асои сайру гашти бо ИДУ (воҳиди ченаки инерсиони) дар бораи асое мебошад, ки бо камера ва датчики ҷой муайянкунадаҳо муҷаҳҳаз шуда бо расидан ба замин расми гирду атрофро мегирад.
Чун гаҷет инро суратгирони Гугл бештар истифода мебаранд. Дар ариза боз омадааст, ки чунин асоро одамони маъюб низ васеъ истифода бурда метавонанд.
Генератори эълони овозӣ, равшанӣ ва ҳароратӣ
Солҳои тӯлони Google шаҳодат медод, ки ҳама истифодабарандагони ҷаҳон рекламаи мақсадноку дақиқро аз сомонаҳои ширкат қабул карда метавонанд. Лекин бо афзоиш ёфтани смартфонҳо ва дигар таҷҳизотҳои мобилӣ ва пайвастшавӣ ба шабакаҳои интернетӣ шароити дигари пешниҳоди харидани маҳсулот, хӯрдани таом дар тарабхонаҳо ва монанди инҳо низ васеъ гаштааст. Аз ҳамин сабаб ширкати Гугл аз ин истифода бурданист.
Дар патенти соли 2008, ки «реклама дар асоси шароити муҳити атроф» ном дорад, ширкати Гугл смартфонҳо ва дигар таҷҳизотҳоро бо датчикҳое муҷаҳҳаз карданист, ки ҳарорат, намӣ, овоз ва таркиби кимиёвии ҳавои атрофи истифодабарандаро мефаҳмад. Дастгоҳи мобилӣ ин маълумотро ба Гугл мерасонад ва Гугл ба истифодабаранда муносиби атрофаш рекламаро пешниҳод менамояд.
Масалан, агар шумо дар ҷои гарм ва намӣ бошед, он гоҳ ба шумо реклама аз истеҳсолкунандагони кондиссионер пешкаш карда мешавад. Ё ин ки агар шумо телефони мобилиатонро дар консерти Adele истифода баред, технология ба шумо дигар ҳофизаҳои бритониёиро нишон медиҳад ё тарабхонаҳоро нишон медиҳад, ки дар назди толори консертӣ ҷой доранд.
Нақшаи таъминотӣ барои ҷудо намудани ҳисоби тарабхона
Бо шумо чунин ҳодиса шуда буд? Шумо бо дӯстонатон ба тарабхона меравед, аммо пешхизмат намехоҳад ҳисобро ҷудогона пешкаш намояд. Аз ин хотир шумо маблағи ҳисобро медиҳед ва умедвор мешавед, ки дигарон пулатонро бар мегардонанд. Аммо чун одат ҳама додани пулро фаромӯш мекунанд.
Соли 2013 ширкат патенти «мониторинг ва идоракунии хароҷоти гурӯҳӣ»-ро ба даст овард. Замимаи нақшагӣ, барои смартфонҳо, ҳисоби кӣ ва чӣ қадар бояд пул доданро мебарорад ва ба ҳисоби касе, ки ба ҷои ҳама маблағ мепардозад, мегузаронад. Танҳо ин замимаро ҳама бояд пеш аз хӯрокхӯри ба дастгоҳҳояшон ҷой кунанд.
Системаи «пардох барои дидан»-и эълон
Мумкин шумо хабарҳоро аз ширкатҳои рекламавӣ дида бошед, ки чӣ қадар нафарон рекламаро дидаанд, лекин дидан шаҳодати онро надорад, ки ин эълон ҳаваси одамро овард. Ягон услубе нест, ки дар асл касе ин эълонро дидаст, гуфта шавад. То имрӯз.
Соли 2013 Google патенти «системаи пайгирии назар»-ро ба даст овард. Мутобиқи он дастгоҳе ба сар насб шаванда дар намуди қисми системаи компютери бо шароитҳои видеоӣ, метавонад ба ҳама ҷое, ки истифодабаранда нигоҳ мекунад, қайд кунад. Пас система мӯҳлати нигоҳ дар эълонро ҳисоб мекунад ва мумкин дар оянда ҳолати ҳиссиёти тамошокунандаро аз васеъшавии чашм ва мисли ин низ муайян намояд.
Ёрдамчии виртуалӣ, ки дар Твиттер ва Facebook ба ҷои шумо иштирок мекунад.
Ҳамаи мо мехоҳем ба дигар қисми истифодабарандагони интернет, боиси нашри хабарҳои ҷолиб дар шабакаҳои иҷтимоӣ тасвир кунем. Аммо доно ва одами бамаънӣ будан хеле мушкил мебошад. Нафароне ҳастанд, ки бо фикр карда баровардани ҳодисаҳои хандаовар вақти зиёдеро сарф мекунанд ва ҳатто маблағ кор мекунанд.
Соли 2011 ширкати Гугл патент дар бораи «сохтани ҷумлаҳои автоматӣ барои таассуроти шахсӣ дар шабакаҳои иҷтимоӣ»-ро аз қайд гузаронид. Технология хабарҳои дигаронро мехонад, маълумотҳои ба мавзӯъ тааллуқ доштаро мерасонад. Пас ба шумо тариқи автомати ҷавобҳоеро, ки ба шумо лозиманд мерасонад.
Пеш аз он ки нақша хабарро созад, шуморо огоҳ мекунад ва иҷозат мепурсад.
Нет комментариев