Тибқи ҷадвали баргузории вохўрии якҷояи масъулини шуъбаи маъмурию ҳуқуқии дастгоҳи Раиси вилояти Суғд, комиссияи ҷамъиятӣ оид ба пешгирии коррупсияи вилоят, Иттифоқи волидайни сарбозони вилоят, Шўрои собиқадорони хизматчиёни ҳарбии вилоят дар бобати даъвати ҷавонон, пешгирӣ ва паст намудани сатҳи коррупсия дар шаҳру ноҳияҳои вилоят дар толори мақомоти иҷроияи ҳокимияти давлатии шаҳри Бӯстон бо қишрҳои гуногуни аҳолӣ, роҳбарон ва намояндагони муассисаҳои хизматрасонӣ ва фаъолони маҳал мулоқот доир гардид.
Муовини раиси шаҳр Киромуддин Мухторзода оид ба моҳияти баргузории мулоқоти мазкур дар шаҳру навоҳии вилоят ва бахусус дар шаҳри Бўстон ибрози назар намуда, аз раванди татбиқи «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020» ёдовар шуд.
Баъдан дар мавзўъҳои «Роҳҳои фаъол намудани даъвати ҷавонон ба сафи Қувваҳои Мусаллаҳи Ҷумҳурии Тоҷикистон, муаммои мавҷуда ва ҳалли он», «Иштироки фаъоли ҷомеаи шаҳрвандӣ дар самти паст намудани сатҳи коррупсия – талаботи Стратегиряи муқовимат бо коррупсия» ва дигар масоил сармутахассиси шуъбаи маъмурию ҳуқуқии дастгоҳи Раиси вилояти Суғд Темур Тўйчизода, муовини раиси комиссияи ҷамъиятӣ оид ба пешгирии коррупсия дар вилояти Суғд Музаффар Бобоҷонова, раиси Шўрои собиқадорони хизмати ҳарбии вилояти Суғд Қайюм Атаев суханронӣ намуданд.
Манбаъ: sugd.tj
Нет комментариев