Истифодабарандагони азиз, хотиррасон мекунам, ки медиапортали «Тироз» шарики лоиҳаи Осиё — Миёнагии «Newreporter» мебошад. Ва ман Машҳурахон Акбарзода мутарҷими мақолаҳои ин сомонаи соф журналистии «Новый репортер» ҳастам ва ҳамарӯза бояд тарҷимаҳои худро тавассути почтаи электронӣ ба почтаи ҳамкорам Султонҷон бифиристам. Аммо имрӯз натавонистам ин амалро ба субот расонам. Агар пурсед, ки «чаро?»
Ҷавоб медиҳам, «азбаски касе рамзи маро шикастааст». Барои пурсиши кӯмак ба назди Султонҷон рафтам. Ӯ аз сабаби серкорӣ аз Мутрибахон хоҳиш кард, ки дар ин бобат ба ман ёрӣ диҳанд. Мо ҳар ду сари компютер нишастем ва ба барқарорсозии рамзи шикаста шурӯъ намудем. Дар раванди ин кор роёна аз ман рақами телефонамро пурсид, аммо азбаски телефонамро дар хона монда будам, рамзи махсусро ворид карда натавонистем. Аз ин рӯ ба барқароркунии рамз ҳам дастёб нагаштем. Илоҷе ғайр аз кушодани почтаи элетронии нав намонд. Ман аз нав худро дар почтаи mail.ru сабти ном намудам. Рамз ва суроғаи почтаамро низ дигар сохтам. Ва ҳоло хушбахтона бо дастгирии хоҳаракам Мутрибахон почтаи ман фаъол аст. Ва акнун бемамониат, бо осонӣ ва бо роҳи қулай метавонам маводҳои худро ба суроғаи зарурӣ бифиристам.
Оё бо Шумо ҳам чунин ҳолат рух дода буд? Агар «ҳа» пас шумо он вақт чӣ кор карда будед? Дар хусуси ин масъала метавонед фикру ақидаҳоятонро дар коментҳо баён кунед.
Нет комментариев