Дар доираи бозиҳои даври 4-уми марҳилаи гурӯҳии Лигаи миллатҳои УЕФА дастаҳои Шотландия ва Португалия ба ҳам омаданд. Вохӯрии дастаҳо дар варзишгоҳи “Хэмпден Парк”-и шаҳри Глазго баргузор шуда, бо натиҷаи мусовии 0 бар 0 анҷом ёфт.
Агар мо ба оморҳои ин вохӯрӣ таваҷҷӯҳ кунем, бозӣ пурра ба ҷониби тими мунтахаби Португалия буд. Аз лиҳози идоракардани тӯб дар майдон (30%, 70%), зарбаҳо ҷониби дарвозаи якдигар (4, 14 ), зарбаҳои кунҷӣ (1, 9) тими милли Португалия бартарӣ дошт.
Криштиану Роналду дар раванди бозӣ чанд фурсати голзанӣ дошт, лек онҳо истифода бурда натавонист. Махсусан он фурсате, ки Криш бо усули қайчӣ зарба зад, наздик буд, ки тӯб вориди дарвозаи тими миллии Шотландия шавад.
Ҳамин тавр, бозии дастаҳо бо натиҷаи мусовии 0 бар 0 анҷом ёфт. Португалия, ки пешсафи гурӯҳи 4 аст, пас аз 3 ғалабаи пайиҳам аввалин натиҷаи мусовиро ба қайд гирифт. Ин натиҷаи мусовӣ муқобили Шотландия аст, ки дастаи заифи гурӯҳ маҳсуб мешавад. Бо ин мусовӣ Шотландия аввалин имтиёзро ба даст оварда, ҳоло бо 1 имтиёз дар зинаи 4-уми гурӯҳ аст. Португалия бо 10 имтиёз дар гурӯҳ пешгом аст. Дастаҳои дигари гурӯҳ , Хорватия бо 7 имтиёз дар зинаи дуюми ва Полша бо 4 имтиёз дар зинаи сеюм мебошанд.
Манбаъ: Варзиш-ТВ
Нет комментариев