«ПСЖ» имконияти додани бозубанди сарвониро ба ҳамлавар Килиан Мбаппе мавриди баррасӣ қарор медиҳад.
Чӣ тавре Foot National бо такя ба L’Equipe мерасонад, бохт аз «Реал» (1:3) дар бозии ҷавобии даври 1/8 финалии Лигаи чемпионҳо ба таври манфӣ ба мақому эътибори сарвони феълии даста Маркинйос миёни ҳамдастаҳо таъсир расонидааст. Бозигари бразилиро аз барои голи сеюми мадридиҳо айбдор меҳисобанд.
Дар «ПСЖ» вобаста ба ин додани бозубанди сарвониро ба ҳамлавар Килиан Мбаппе баррасӣ мекунанд. Ин ҳам яке аз воситаҳои бовар кунонидани ҳамлавари фаронсавӣ баҳри мондан дар Париж ба ҳисоб меравад, то ки ӯ шартномаи нав имзо кунад.
Пештар бошад иттилоъ дода мешуд, ки дар имзокунии шартнома бо Мбаппе «Реал» номзадӣ дорад.
Манбаъ: Варзиш-тв
Нет комментариев