Созандагони AnTuTu – яке аз бенчмаркҳои маъруф барои баҳодии иқтидори смартфонҳо – рӯйхати Android смартфонҳои пуриқтиторро барои апрел тартиб дод. Моҳи апрел се ҷои аввал ба смартфонҳои Xiaomi насиб шуд.
Пешсафи феҳрист Mi 9 Explorer Edition гардид, ки дар танаи нимшаффоф 373 715 бал гирифт. Аз қафои ӯ тафсири “оддии” Mi 9 бо 373 511 хол. Сегонаро бозифон Black Shark 2 бо 371 837 хол ҷамбаст намуд. Ҳамаи финалистон дорои чипсети навтарини Snapdragon 855 мебошанд, менависад GSMArena.
Meizu 16s, ки моҳи гузашта дар ҷои аввал қарор дошт бо 370 306 хол ба ҷои чорум гузашт. Қисми дуюми феҳрист насиби бозифонҳои vivo iQOO ва iQOO Monster, ZTE nubia Red Magic Mars (бо чипи Snapdragon 845) ва Honor View 20 (Kirin 980) гардид. Флагманҳои Samsung — яъне Galaxy S10+ ва S10 ҷои шашум ва ҳафтумро ишғол намуданд.
Қобили диққат мебошад, ки ба феҳрист смартфони ZTE Axon 10 Pro 5G, ки қаблан зиёда аз 380 ҳазор хол гирифта буд дохил нашуд. Дар AnTuTu чунин ҳисобиданд, ки Axon 10 холи зиёдро бо хотираи худ, на бо иқтидор соҳиб шудааст.
Нет комментариев