Аз рӯи анъанаи қабулшуда ҳамсола дар оғози соли нав Раиси шаҳри Хуҷанд Раҷаббой Аҳмадзода бо соҳибкорони маҳаллӣ мулоқот менамояд. Имсол низ Раҷаббой Аҳмадзода бо наздик 100 нафар соҳибкорони шаҳри Хуҷанд мулоқоти корӣ анҷом дод.
Дар оғози чорабинӣ Раиси шаҳри Хуҷанд доири саҳми соҳибкорони шаҳр ҳарф зада, қайд намуд, ки соли сипаригашта аз ҷониби бонкҳои дар маркази вилоят, ки теъдоди онҳо ба 45 расидааст барои фаъолияти соҳибкории хурду миёна 650 миилион сомонӣ қарз дода шудааст. Ҳоло дар шаҳри Хуҷанд 1067 корхонаю ташкилотҳои хусусӣ фаъолият дорад, ки нисбати соли гузашта 100 корхона зиёд аст. Аз ин миқдор 209 корхонаи саноатӣ, 125 корхонаи сохтмонӣ ва 431 коргоҳи соҳаи савдо мебошад. «Танҳо маҳсулоти истеҳсолнамудаи коргоҳҳои саноатӣ дар соли сипаришуда зиёда аз 490 миллион сомониро ташкил медиҳад,ки ин аз рушди бемайлони соҳибкорӣ ва аз дастгирии давлату ҳукумат бо роҳбарии Президенти Ҷумҳурии Тоҷикистон Ҷаноби Олӣ, мӯҳтарам Эмомалӣ Раҳмон шаҳодат медиҳад.
Дар навбати худ Директории Ширкати «Ношир» Мӯхсинҷон Исобоев барои ҳамкорӣ дастгирӣ ба давлату ҳукумат ва мақомоти маҳаллӣ изҳори сипос намуд.
Ба 20 нафар соҳибкорони муваффаки шаҳр барои саҳми арзандаашон дар рушди соҳибкорӣ тӯҳфаҳои хотиравӣ супорида шуд.  Дар ин бора  khujand.tj  хабар медихад.