Олимони Донишгоҳи Людвиг-Максимилиани Мюнхен далеле пайдо карданд, ки ба бисёрии одамон тамошо кардани селфиҳои бегонагон ягон хел кайфият намебахшидааст. Бар замми он, мунтазам аксбардорӣ намудани симои худ ба рӯҳияи инсон таъсири манфӣ мерасонидааст.
Чуноне Сара Дифенбэк ва Лара Кристофоракос ошкор карданд, аз 238 нафари пурсишшудагон 77%-и онҳо камаш як маротиба дар як моҳ селфи мекардаанд. 49% -и дигар бошанд, на кам аз як маротиба дар як ҳафта чеҳраи худро аскбардорӣ мекардаанд. 90%-и пурсишшудагон эътироф карданд, ки суратҳои бегонаҳоро чун худнамоӣ ва таблиғкории шахсияти худ қабул мекунанд. Вале нисбати селфиҳои шахсан худашон танҳо 46% одамон чунин андешаро раво мебинанд.
Ҳамин тавр, нисфи пурсишшудагон иброз намуданд, ки аксбардорӣ кардани симои худ ба ҳисси иззати нафсу худбаходиҳии инсон таъсири манфӣ расонида, андешаи ғалату рӯякиро нисбати касе ё чизе дар тасаввуроти одамон ба вуҷуд меовардааст. Ҳамин тариқ, муълум гашт, ки аксарияти одамон селфи карданро дӯст медоранд, аммо тамошо кардани аксҳои бегонагон ба онҳо писанд набудааст.
Дар пурсиш оиди селфибардорӣ сокинони Австрия, Олмон ва Швейтсария иштирок карданд. Бино бар ин, натиҷаи пурсиш «фоизи аврупоӣ»-ро хоҳад дошт. Дигарон бошанд, эътироф мекунанд Дифенбэк ва Кристофоракос, нисбати селфи муносибати дигар хоҳанд дошт, ки барои инро фаҳмидан тадқиқоти дакиқ бурдан лозим меояд. Бо кори тадқиқотии олимон дар маҷаллаи Frontiers in Psychology шинос шудан мумкин аст.
Нет комментариев