Дар доираи бозиҳои ҷавобии марҳилаи чаҳорякниҳоии Лигаи Чемпионҳо дастаҳои “Челси” ва “Реал Мадрид” дар ҳузури 39 453 нафар мухлис ба ҳам омаданд. Вохӯрии дастаҳо дар варзишгоҳи «Стэмфорд Бриҷ» -и шаҳри Лондон доир шуда, бо ҳисоби 0 бар 2 ба суди меҳмонон хотима ёфт.
Мизбонон дар қисми аввали бозӣ ба сӯи дарвозаи меҳмонон фишор овардан гирифтанд, лек дарвозабони “Реал” – Тибо Куртуа дар хати дарвоза устувор буд.
Кукуреля як лаҳзаи хуби голзаниро истифода бурда натавонист. Испанӣ чанд метр дуртар ба дарвозаи холӣ тӯбро равон карда натавонист. Тибо Куртуа дар ин лаҳза сейви олиеро нишон дод.
Дастпарварони Карло Анчелотти дар қисми дуюми вохӯрӣ бозии дигареро ба намоиш гузоштанд. Дар дақиқаи 58-уми бозӣ аз ирсоли головари Винисиус Ҷуниор истифода бурда, Родриго ҳисоби бозиро кушод. Дар дақиқаи 80-уми вохӯрӣ Родриго голи дуюмашро дар ин вохӯрӣ ба самар расонид. Федерико Валверде ирсоли головарро марбути номаш кард. Ҳамин тавр, беҳтарин бозигари вохӯрӣ аз ҳайати дастаи “Реал Мадрид” — Федерико Валверде дониста шуд.
“Реал Мадрид” тавонист, ки дар бозии равфту баргашт бо ҳисоби 4 бар 0 муқобили “Челси” зафар ёфта, ба даври нимниҳоии Лигаи Чемпионҳо роҳ ёбад.
Ёдовар мешавем, ки бозии «Челси» ва «Реал Мадрид»-ро ҳайати доварон аз Италия таҳти раҳбарии Даниэл Орсато ҳакамӣ карданд.
Лигаи Чемпионҳо | Даври ¼ ниҳоӣ
«Челси» – «Реал» Мадрид 0:2 (бозии аввал: 0:2)
Голҳо: Родриго, 58, 80
«Челси»: Аррисабалага, Фофана, Силва, Чалоба, Галлахер (Феликс 67), Канте, Кукуреля (Мудрик 68), Ҷеймс, Ковачич, Фернандес (Стерлинг 67), Хавертс (Маунт 77)
«Реал»: Куртуа, Алаба (Рюдигер 46), Милитао, Карвахал (Фернандес 82), Камавинга, Модрич, Кроос (Себальос 76), Валверде, Ҷуниор, Бензема (Тчуамени 71), Гоэс (Асенсио 81)
Огоҳӣ гирифт: Кукуреля, Ҷеймс, Мудрик – Милитао
Манбаъ: Варзиш-ТВ
Нет комментариев