Olá amigos. Сараввал чанд хабари нав аз Бозиҳои олимпӣ.
Варзишгари маъруфи Тоҷикистон Дилшод Назаров ба мусобиқаи ниҳоии гурзандозӣ барои ба даст овардани медал роҳхат гирифт. Рӯзи гузашта Дилшод гурзи хешро ба масофаи 76,39 метр ҳаво дода, мақоми 3-юмро касб намуд.
Дар намуди бокс дар вазни то 69 кг 2 варзишгари Осиёи Марказӣ ҷойҳои намоёнро гирифтанд. Ғалаба насиби намояндагони Қазоқистон Даниёр Елеусинов, медали нуқра насиби Шаҳром Ғиёсов гардид. Дар вазни то 60 кг байни занон медали биринҷиро барои Русия Анастасия Белякова бурд кард.
Дар муҳорибаи озод дар вазни то 58 кг варзишгарзан Каори Ито аз давлати Ҷопон ғолиб дониста шуд. Мақоми дуюмро намояндаи Русия Валерия Коблова соҳиб гардид.
Дар намуди варзиши сабук ба дар байни мардон Конселус Кипруто аз Кения ғалаба ба даст овард. Дар масофаи 200 метр байни занон медали тилло насиби Элейн Томпсон аз Ямайка шуд.
Дар тенниси рӯи миз байни мардон чун ҳамешагӣ варзишгарони давлати Хитой ғолиб баромаданд.
Дар намуди бадминтон бошад, ҷуфти варзишгарон аз Индонезия ғалаба карданд.
Дар озмуни аспдавонӣ бурд насиби Фаронса гардид.
Ҳамлагари дастаи мунтахаби футболи Бразилия Неймар голи нахустинро дар бозии нимниҳоии Олимпиадаи соли 2016 бар дастаи Гондурас ба самар расонд. Капитани бразилиҳо баъд аз хатоии ҳимоятгар, бо дарвозабон як ба як баромада, дар сонияи 16-уми бозӣ тӯбро вориди дарвоза намуд. Ин тӯб ва голи задашуда дар таърихи Бозиҳои олимпӣ аз ҳама зудтарин дониста ва чун рекорди ҷаҳонӣ ҳисобида шуд.
15 ҳазор ихтиёриёни Бозиҳои олимпии соли 2016 аз сабаби мушкилот дар хӯрокашон ба басти кори хеш набаромаданд. Ихтиёриён аз шароити муҳайёкардаи ташкилкунандагони Бозӣ норозӣ шуданд. Бино ба гуфти яке аз намояндагони ҳаракати ихтиёрӣ, онҳоро танҳо бо хуриши сабук таъмин намуданду халос, ҳол он ки аз онҳо дар як рӯз ҳашт-нӯҳ соат кор карданро талаб мекунанд. Шумораи умумии ихтиёриён, ки дар Олимпиадаи соли 2016 фаъолият доранд, 50 ҳазор нафарро ташкил медиҳад.
Дастаи мунтахаби Олмон роҳхатро ба бозии ниҳоӣ пур карда, ба дастаи Нигерия дар бозиии нимниҳоӣ бо ҳисоби 2:0 мағлуб шуд. Дар масъалаи голзанӣ дар ҳайати ғолибон Лукас Клостерман ва Нилс Петерсен тӯбро вориди дарвоза намуданд. Бразилия дар мусобиқаи дуюми нимниҳоӣ дастаи Гондурасро бо ҳисоби бузурги 6:0 мағлуб кард.
Мураббии варзишгари Эрон Беҳдод Салимӣ Садҷот Анӯширвон кори доваронро дар Олимпиадаи соли 2016 зери танқид гирифт. Салимӣ, ки дар вазни беш аз 105 кг баромад кард, аслан бо бардоштани санги 216 килограмма рекорди ҷаҳонӣ нишон дод. Вале дар ҷамъбаст бе медал монд – дар такондиҳӣ ӯ вазни муайяншударо гирифта натавонист. Дар кӯшиши дуюм Салимӣ штангаро бардошт, аммо доварон хатоии техникии варзишгарро ба назар гирифта, натиҷаро қайд накарданд.
Имрӯз дар Бозиҳои тобистонаи олимпӣ 23 маҷмӯи медалҳо бурд карда мешаванд. 6 маҷмӯи медал дар варзиши сабук, 4 маҷмӯъ дар заврақронӣ, 3 маҷмӯи медал дар муҳорибаи озод, 2 маҷмӯи медал дар намуди таэквондо, 1 маҷмӯъ дар намуди бокс, ҷаҳидан ба об, волейболи соҳилӣ, триатлон ва бадминтон.
Пас аз рӯзи дувоздаҳуми бозиҳо бо 30 медали тилло дар мақоми якум ИМА, дар ҷойҳои дуюму сеюм Британияи Кабир ва Хитой бо 19 медали тилло, дар мақоми чорум Русия бо 12 медали тилло қарор доранд. Қазоқистон дар мақоми 18-ум ва Ӯзбекистон дар ҷойи 26-ум мебошанд.
Хотиррасон менамоем, ки ҳамкори лоиҳа мағозаи “IAMDIFFERENT” аст.
Тамошо кардани Олимпиадаро давом медиҳем.
Хайр, то вохӯрии минбаъда!
Нет комментариев