Olá amigos. Дар аввал чанд хушхабари нав аз Бозиҳои олимпӣ.
Дилшод Назаров — Чемпиони олимпӣ!
Инак пас аз интизориҳои зиёд хушбахтона Тоҷикистони соҳибистиқлол дар Бозиҳои 31-уми тобистонаи олимпӣ соҳиби медал шуд. Ва он ҳам медали тилло. Варзишгари маъруфи тоҷик, гурзандози машҳур Дилшод Назаров ниҳоят пас аз баромади шаш нафар варзишгари Тоҷикистон, ки ба нокомӣ дучор шуда буданд, медали тилло бурд намуд. Барои Дилшод ягона имконият буд ва он ҳам бо хушнудиву муваффақияти бузург ба охир расид. Натиҷаи гурзандозии ӯ ба 78,68 метр баробар шуд. Дар мақоми дуюм намояндаи Белорусия Иван Тихон қарор гирифт, ки аз Дилшод ҳамагӣ 90 см қафо монд.
Дастаи занонаи Русия аз рӯи намуди шиноварӣ бо варзишгарони давлати Венгрия бозӣ гузаронида, бо ҳисоби 19:18 ғалаба ба даст овард, вале соҳиби медали биринҷӣ гардид. Дар мусобиқаи ниҳоӣ ИМА дастаи Италияро бо ҳисоби 12:5 мағлуб кард.
Дар мусобиқаи ниҳоӣ то 60 кг дар байни занон Эстел Мосселӣ аз Фаронса медали тиллоро бурд намуд. Дар вазни то 75 кг медали биринҷӣ насиби Дарига Шакимова аз Қазоқистон шуд. Дар байни мардон дар вазни то 64 кг ғалабаро Виталий Дунайцев ба даст овард.
Дар намуди таэквандо байни занон то 67 кг О Хе Ри аз Куриёи Ҷанубӣ ғолиб баромад.
Дар футболи занона дар бозии ниҳоӣ намояндагони давлати Олмон аз болои дастаи Шветсия бо ҳисоби 2:1 ғалаба ба даст оварданд.
Варзишгари Русия Гулноз Губайдуллина дар намуди шиноварӣ рекорди олимпӣ гузошт. Ӯ дар мусобиқаи панҷгона дар Бозиҳои соли 2016 муваффақияти беҳамто ба даст овард. Масофаи муайяншударо дар муддати 2 дақиқаю 7 сония паси сар намуд.
Дастаи мунтахаби Нигерия либоси расмиро танҳо пас аз 13 рӯзи оғози Олимпиада дастрас кард. Дар маросими кушодашавӣ врзишгарони Нигерия бо либоси варзишии хеш баромад карданд. Либоси расмӣ сари вақт ва дар мӯҳлати муқарраршуда дастраси онҳо нагардид. Сабаби асосӣ мушкилот дар вазъияти молиявӣ гардид.
Райан Лохте
Шиновар аз Амрико Райан Лохте аз мусобиқаҳо ба мӯҳлати номуайян барканор карда мешавад. Расман оид ба барканории чемпиони шашкаратаи олимпӣ ҳафтаи оянда эълон мегардад.Хотиррасон менамоем, ки Лохте дар нобасомонии рӯйдода дар бобати нишондиҳандаи бардурӯғи “ғоратгарӣ” шахси асосӣ ҳисобида шуд. Ин ҳодиса шаби 14-уми август дар Рио-де-Жанейро ба амал омад.
Нашриёти The New York Times натиҷаҳои таҳқиқоти «ҳодисаҳои допингӣ«-и иштирокчиёни Олимпиадаи соли 2016-ро дар Рио чоп кард. Ҳадди ақал 120 варзишгар аз тахминан 11 ҳазор иштирокчиёни Бозӣ аз иштирок дар мусобиқаҳо барканор шуда буданд.
Имрӯз дар Бозиҳои тобистонаи олимпӣ рӯзи аз ҳама натиҷабахш ҳисобида мешавад. Зеро, дар он 30 маҷмӯи медалҳо бурд карда мешаванд. 7 маҷмӯи медал дар варзиши сабук, 4 маҷмӯъ дар заврақронӣ дар каноэ, 3 маҷмӯи медал дар намуди бокс, 2 маҷмӯъ муҳорибаи озод ва таэквондо, 1 маҷмӯи медал дар намуди бадминтон, баскетбол, волейбол, гандбол, голф, ҷаҳидан ба об, шиноварӣ, гимнастикаи варзишӣ ва футбол.
Пас аз рӯзи чордаҳуми бозиҳо бо 38 медали тилло дар мақоми якум ИМА, дар ҷойи дуюм Британияи Кабир бо 24 медали тилло ва дар мақоми сеюм Хитой бо 22 медали тилло қарор доранд. Дар ҷойи чорум Олмон бо 14 медали тилло. Русия бо 13 медали тилло дар мақоми панҷум. Ва ниҳоят Тоҷикистон бо гирифтани як медали тилло ба ҷойи 52-юм баромад.
Хотиррасон менамоем, ки ҳамкори лоиҳа мағозаи “IAMDIFFERENT” аст.
Тамошо кардани Олимпиадаро идома медиҳем.
Хайр, то вохӯрии минбаъда!
Нет комментариев