Новобаста аз он ки имрӯзҳо дар бозори ҷаҳонӣ «соатҳои доно» зиёданду, истеҳсолкунандагон бо навигариҳои худ дили истифодабарандагонро тасхир мекунанд, ин ҳама соатҳо дар амал якхелаанд. Дар майдончаи краудфандингии Indiegogo лоиҳаи наве оғоз шуд, ки мақсади он ба бозори ҷаҳонӣ ворид намудани маҳсулоти нави инноватсионист, ки Ritot унвон гирифтааст.
Ritot аввалин соатҳои проексионӣ дар ҷаҳон маҳсуб меёбад. Дар нигоҳи аввал ин таҷҳизот ба дастбанд монандӣ дошта, ягон сенсор ва ё экран надорад, ки дар дигар соатҳои ба ном «доно» мавҷуд аст. Ба ҷои ин Ritot дар худ проекторро ҷой додаст, ки инъикоскунандаи зиёда аз 20 ранг буда, маълумоти зарурии телефони шуморо (занг, смс- хабар, огоҳиномаҳои Facebook, Twitter ва тақвим) рӯи кафатон ҷой медиҳад. Илова бар ин реҷаи огоҳии вибраторӣ ва соат низ насб гардидааст.
«Аз он замоне, ки инсоният ба осмон нигоҳ карда, тавассути Офтоб соатро муайян мекард, садсолаҳо гузаштааст. Ба ин мақсад соат ихтироъкарда шуд. Аввалин соат зиёда аз 1000 сол пеш ихтироъ шуда буд. То ба имрӯз намунаҳои зиёди соат пайдо шуданд, ки яке аз гаджетҳои манфиатовар барои инсон маҳсуб мешавад. Эволютсияи соат идома дорад, ва дар бозори ҷаҳони «соатҳои доно» пайдо шуданд. Ҳар сол истеҳсолкунандагон намунаҳои беҳтарини соатро ба фуруш мебароранд, вале консепсияи умумии он дигар нашудааст. Мо дар замони инқилоби технологӣ зиндагӣ мекунем, яъне ҳамаи ашёи атрофии мо рушду тараққӣ дорад. Мо ақида дорем, ки консепсияи умумии соат аз тараққиёти техникӣ қафо мондааст. Зеро фақат соат метавонад тасдиқ кунад, ки инсоният ҳамеша дар рушду тараққӣ қарор дорад. Барои ҳалли ин ноадолатӣ мо саоти навро ихтироъ намудем», — мегӯянд ихтироъкорони Ritot.
Чих еле ки қайд кардем, дар айни ҳол лоиҳаи Ritot маблағгузории худро дар майдончаи Indiegogo мунтазир аст. Ин лоиҳа ба одамон чунон маъқул афтод, ки дар давоми якчанд рӯз тавонист се маротиба зиёд аз маблағи зарурӣ ҷамъоварӣ карда шуда, истеҳсоли оммавии гаджет роҳандозӣ шавад.
Манбаъ: hi-news.ru
Нет комментариев