Дар шабакаи телевизионии шаҳри Вирҷинияи Амрико сӯҳбат бо Садриддини Наҷмиддин, хонандаи муваффақи Тоҷикистон, ки феълан дар шаҳри мазкур зиндагӣ мекунад, намоиш дода шуд. Ин шабака моли афғонҳои муқими амрикоянд.
Саволи нахуст аз Садриддин дар мавриди буду бошаш дар Амрико буд, ки дархости паноҳанда доштанашро рад кард. Садриддин гуфт, бобояш мазҳаби буданд ва аз аввал ба интихоби роҳаш дар санъат мухолиф буданд, вале баъдан иштиёқ ва талошу меҳри набераашро диданд, дуои роҳ доданд. Нуқтаи дигар ёдовари аз Фурқати Саид, овозхони маҳбуби шашмақомсаро карданд, ки вақте бори нахуст шоҳиди сурудхонияш мешаванд, ӯро ташвиқ ва дастгирӣ мекунанд. Ғайр аз ин сурудхонии хунёгари дигари санъати тоҷик Кароматуллои Қурбон дар шавқу итеъдоди банда саҳми босазо дорад. Сурудҳои Кароматуллои Қурбон баробари гӯш кардан ба кас кайфияти хос медиҳанд.
Садриддин гуфт, чаҳор фарзанд дорад, вале ягон нафар ба касби падар завқ надоранд.
Аз Одина Ҳошим ва рубоёти Умари Хайем хонда, миёни ҷомеи санъатпараст машҳур гаштааст. Рови аз ӯ дар мавриди он, ки чаро овозхонҳои тоҷик бештар таронаҳои хонандаҳои афғонро мехонанд ё дар Тоҷикистон шоир нест, Садриддин бо нанги тоҷикӣ посухи мантиқиву самимӣ дод.
Садриддин:- Не, дар Тоҷикистон беҳтарин шоирон ҳастанд. Хонандаҳои афғони низ таронаҳои тоҷикиро мехонанд ва овозхонҳои мо низ аз Шуморо. Чун мо забон, фарҳанг ва мусиқии муштарак дорем. Қаблан Шӯравӣ буд ва марзҳо баста буданд, дастрас кардани оҳанги афғонӣ барои мо сахт буд. Имрӯз мо бо беҳтарин сарояндаҳои афғон риштаи ҳамкорӣ дорем. Ҳамзабонии мост, ки имрӯз дӯсти миёни мо пойдор боқӣ мондааст. Ман низ ба Аҳмад Зоҳир пайравӣ мекардам, сурудҳояшро мехондам. Мехостам монанди ӯ шавам. Баъдан фаҳмидам, ки ҳеҷ гоҳ Аҳмад Зохир намешавам, бояд Садриддин шавам ва шудам. Шахсиятҳо такрор намешаванд. Дар Тоҷикистон низ бештар таронаҳои Аҳмад Зоҳирро мехонанд, гӯш мекунанд..»
Нет комментариев