Дастгоҳҳои гуногуни ширкати Samsung ҳамаро мафтун сохтаанд. Чунки ба ғайр аз смартфонҳо, ширкати бузурги кореягӣ ҳамчунин чипҳо, яхдон истеҳсол намуда, ҳатто бо корҳои сохтмонӣ низ машғул аст. Гарчанде Samsung ба бозори видеостриминг баромаданро ба нақша гирифта бошад ҳам, аз ин саъю кӯшишаш кам нахоҳад гардид.

Хизматгузорие, ки  Samsung омода намуда истодааст, нисбат ба Netflix,  бештар ба видеои сабук таваҷҷӯҳ дорад. Лоиҳаи мазкурро Ҷон Плизантс, ки пештар бо ширкати Dianey ҳамкорӣ менамуд, роҳбарӣ мекунад.  Фарқияти асосии видеохостинги Volt он чизе хоҳад буд, ки контенти дар он ҷойдодашуда, на танҳо кӯтоҳ, балки ҳатман рангоранг гардонида мешавад. Барои он ки, лоиҳа хубтар дар хотир нақш бандад, номи он то ба бозор баромаданаш иваз карда мешавад. Баромадан ба бозори видеоконтент, кӯшиши нахустини ширкати кореягӣ намебошад. Хотиррасон бояд намуд, ки пештар иттиҳодияи Samsung барои ба вуҷуд овардани видеохизматгузории MediaHub кӯшиш намуда буд. Айни замон фаъолияти он маҳдуд карда шудааст. Ҳамчунин Samsung ҷараёни лоиҳаи мусиқавии Milk Music-ро  вусъат бахшида, барои ҷой гирифтан дар бозори мусиқавӣ мубориза бурда истодааст. Матонат дар роҳи мақсад метавонад, ширкати кореягиро ба қуллаҳои баланд ноил гардонад.

Сарчашма : http://www.gizmonews.ru/2014/11/17/kompaniya-samsung-gotovit-sobstvennyj-videoservis/