Ин навбат доир ба “Сарватҳои зеризаминии Ҷумҳурии Тоҷикистон” маълумот хоҳем дод.
Сарватҳои зеризаминӣ дар Тоҷикистон зиёд мебошанд. Сарватҳои маъданӣ – аз сурб, руҳ, нуқра, сурма, тилло ва сарватҳои ғайримаъданӣ – аз ангишти бӯр, ангиштсанг, нефт, гази табиӣ, фосфорид, намаксанг, обҳои маъданӣ иборатанд.
Дар Тоҷикистон 70 намуди сарватҳои зеризаминии маъданию ғайримаъданӣ кашф ва тақрибан 400 кон ошкор карда шудаанд. Алҳол аз 100 кон қариб 40 навъи ашёи хоми маъданӣ мегиранд. Сарватҳои зеризаминии Тоҷикистон ба 3 навъ ҷудо мешаванд: сӯзишворию энергетикӣ, металӣ ва ғайриметалӣ.
Ба сарватҳои сӯзишворию энергетикӣ ангишти бӯр, ангиштсанг, торф, нефт, гази табиӣ мансубанд. Дар ҷумҳурӣ 40 кони ангиштсанг маълум аст: Шӯроб, Фони Яғноб, Моғиён, Назарайлоқ, Тоҷикистони марказӣ ва Тоҷикистони Ҷанубу Шарқӣ. Кони нефту газ дар Фарғонаи Ғарбӣ ва Тоҷикистони Ҷанубӣ вокеъ гардидаанд.
Сарватҳои зеризаминии металӣ асосан дар Тоҷикистони Шимолӣ ва марказӣ (қаторкӯҳҳои Ҳисору Олой) мавҷуданд. Дар ин ҷо намудҳои руҳ, сурб, висмут, волфрам, тилло, нуқра ошкор шудаанд.
Ба сарватҳои зеризаминии ғайриметалӣ фосфорит, намаксанг, масолеҳи сохтмон ва ғайра дохил мешаванд. Конҳои ин сарватҳо Хоҷасартез, Хоҷамӯъмин, Тошбулоқ ва ғайра мебошанд.
Сарвати пурбаҳои Тоҷикистон обҳои минералии он мебошанд. Дар Тоҷикистон Хоҷаобигарм, Обигарм, Гармоба, Гармчашма ва ғайра воқеъ гардидаанд. Хоҷаобигарм дар баландии 1800 метр, Обигарм дар баландии 1300 метр аз сатҳи баҳр ҷойгир шудаанд.
Исломҷон Бобоев
Нет комментариев