Маҷлиси ҳисоботӣ оид ба вазъи иҷтимоию иқтисодии шаҳри Хуҷанд дар фосилаи моҳҳои январ-сентябри соли 2015 бо иштироки муовинони раиси шаҳр, роҳбари Дастгоҳи раиси шаҳр, роҳбарони сохторҳои Мақомоти иҷроияи ҳокимияти давлатии шаҳр, намояндагони васоити ахбори омма ва сардори Раёсати иқтисоди Мақомоти иҷроияи ҳокимияти давлатии вилояти Суғд Абдулло Шарифов доир гардид.
Раисикунандаи маҷлис, Раиси шаҳри Хуҷанд Раҷаббой Аҳмадзода қабл аз оғоз бахшидан ба маҷлиси ҳисоботӣ диққати ҳозиринро ба ҷамъбасти марҳалаи аввали даъвати тирамоҳии ҷавонписарон ба хизмати ҳарбӣ ҷалб намуд. Барои иҷрои саривақтии нақшаи даъвати тирамоҳӣ ба раиси маҳаллаи Чашмаи арзана Осим Охунов ва нозири минтақавӣ Хоҷаев Сипосномаи Раиси шаҳр ва туҳфаҳои хотиравӣ тақдим намуд. Зимни сипос, Раиси шаҳр супориш дод, ки даъвати тирамоҳӣ то 20-уми октябр ҷамъбаст карда шавад. Баъдан, Раҷаббой Аҳмадзода ба ҳозирин маълум намуд, ки маҷлис аз як масъала – баррасии вазъи иҷтимоию иқтисодии шаҳр аз оғози сол то ба имрӯз иборат аст. Барои ҳисобот ба муовини раиси шаҳр Муродӣ Умедахон Бурҳонзода сухан дода шуд.
Мавсуф зимни ҳисоботдиҳӣ арз намуд, ки сокинон ва фаъолони шаҳри Хуҷанд дар соли таърихӣ, дар соли рушди фарҳанг ва гулҳо, оила, идомаи роҳҳои обод басо меҳнат карда, дар таъмини иҷрои дастуру супоришҳои Президенти кишвар, ҷаноби олӣ, муҳтарам Эмомалӣ Раҳмон, Раиси муҳтарами вилоят Абдураҳмон Қодирӣ дар ин самт талош варзиданд.
Дар ин марҳала ба корхонаҳо таъмини барқ 415,9 миллион кВ,соат барқро ташкил дод. Корхонаҳои саноатӣ ба маблағи 459737,0ҳазор сомонӣ маҳсулот истеҳсол карданд, ки нисбат ба ҳамин давраи соли 2014-ум 28,2 фоиз афзуд. Дар 164 корхонаи саноатӣ, ки 57 ададаш корхонаи хурди саноатӣ мебошад, то 10 ададӣ коргар фаъолият бурд. Ба ҳисоби миёна, ҳаҷми маҳсулоти саноатии истеҳсолкардаи шаҳри Хуҷанд нисбат ба ҳамин давраи соли гузашта, 14,1 фоиз зиёдро ташкил дод.
Умедахон Бурҳонзода афзуд, ки давоми соли ҷорӣ 1987 нафар бо қитъаи замин (шаш сотихӣ) таъмин шуд, ки яке аз масъалаҳои муҳими иҷтимоӣ ба шумор меравад. Зина ба зина ин масъалаи ҳаётан муҳими иҷтимоӣ ҳалли худро ёфта истодааст.
То марҳалаи кунунӣ дар миқёси шаҳр боз 44 км роҳ асфалтпӯш гардид ва он идома дорад.
Муродӣ Умедахон Бурҳонзода дар ҳисоботи хеш ба ҳамаи сохторҳои марбутаи ҳисоботдиҳанда дахл намуд ваҳусну қубҳи фаъолияти ононро ифода кард.
Сипас, Раиси шаҳр дар бобати масъалаи сиёсии рӯз – сабабҳои қатъ гардидани фаъолияти ҲНИТ, бо ғояҳои ватандӯстона тарбия кардани наврасону ҷавонон, ба либоси халқиятҳои ғайр пайравӣ накардани ҷавонзанону духтарон, риоя кардани қонун дар бораи танзими анъана ва расму оин, ба хатоҳои дурушт роҳ додани масъулин дар навиштаҷоти шиору овезаҳо дар қаламрави шаҳр, маъракаи муҳими сиёсӣ- обуна ба нашрияву маҷаллаҳо дар соли нав ва амсоли он сухан карда, масъулини соҳаҳоро вазифадор кард, ки дар муддати кӯтоҳтарин аз иҷрои супориш маълумот ва ҳисобот бидиҳанд.
Раиси маҷлис ба мудири шӯъбаи саноат ва энергетика Абдураҳим Солиев, мудири шуъбаи иқтисод ва савдо Усмонҷон Алимов, мудири бахши сармоягузорӣ Ҷалолхон Маннонов, комиссари ҳарбии шаҳр Fанихӯҷаев, намояндаи хадамоти оташнишонии шаҳр Рустам Мирзоев, сардори муассисаи солимгардонӣ ва нигаҳдории куҳансолон Нуринисо Комилова, сардори Хонаи ақди никоҳ Хуршеда Хоҷаева сухан дод ва ба саволҳои хеш посух гирифт.
Абдулло Шарифов, сардори Раёсати иқтисоди Мақомоти иҷроияи ҳокимияти давлатии вилояти Суғд аз натиҷаи фаъолияти нӯҳмоҳаи корхонаву муассисаҳои шаҳри Хуҷанд изҳори қаноатмандӣ кард ва пешниҳод намуд, ки дар асоси стратегияи миллии рушди иқтисодиёту иҷтимоиёт, дар шаҳри Хуҷанд низ барномаи махсуси рушд дар ин самт таҳия гардад, ба манфиати кор хоҳад буд.
Раҷаббой Аҳмадзода, раисикунандаи маҷлиси фаъолон дар хотимаи ин тадбири муҳим изҳор намуд, ки талаботи замон аз ҳар яки мо м асъулияти бештарро дар иҷрои ин ва ё он кор тақозо менамояд. Дар доираи 500 рӯзи зарбдор ба истиқболи 25-солагии Истиқлолияти давлатии Ҷумҳурии Тоҷикистон, соли оила, рушди фарҳанг ва гулҳо, идомаи роҳҳои обод мо бояд бештар фаъолият барем ва ба натиҷаҳои дилхоҳ ноил гардем.
Манбаъ: http://khujand.tj/
Нет комментариев