Қариб ҳар бренди муосир, барои беҳтар намудани мавҷудияти худ дар шабакаҳои иҷтимоӣ ва истифодаи онҳо ҳамчун воситаи пешбаранда, талош меварзанд. Аммо ҳар як навоварӣ нозукиҳои худро дорад, ҳатто хатарнок аст. Масалан ҳамаи он чизе, ки аз тарафи ширкат нашр мешавад, дар асл дар тамоми ҷахон возеҳ мегардад. Аммо, дар бораи он, ки оё иштирок дар шабакаҳои иҷтимоӣ ба ширкатҳо манфиатҳои воқеӣ меоваранд- чизе маълум нест. Дар бораи манфиатҳо ва хатари шабакаҳои иҷтимоӣ муҳаррири Mashable Лэнс Уланофф чунин ақида дорад:
Хатарҳо
Кормандони беитоат
Корманди Шумо тасодуфан (ё на он қадар тасодуфан) метавонад чизи даҳшатнокро нашр кунад. Ин якчанд маротиба рӯй додааст. Масалан, соли 2014 масъули аккаунти Twitter дар United Airlines симои нангинеро нашр намуда буд, ки муддати як соат он ҷо монда, номи ширкатро доғдор намуд. Баъзан кормандон қасдан ба шабакаҳои иҷтимоӣ зарар мерасонанд.
Вақте HMV (ширкате, ки бо фурӯши DVD, мусиқаҳо ва ғайра машғул аст.) тасмим гирифт, ки сафи кормандонашро кам кунад. Аз ин кормандон андӯҳгин шуда, дар Twitter-и расмӣ ибораҳои таҳқиромези худро нашр намудаанд.
Шикастани аккаунтҳо
Аккаунтҳо дар шабакаҳои иҷтимоӣ қариб, ки ҳаррӯз шикаста мешаванд ва аз ин ҷои гурез нест.
Ҳакерҳо то аккаунтҳои Бритни Спирс, Барак Обама, Дмитрий Медведев ва бисёр ВАО — аз РИА Новости то Фокс News расидаанд.
Too much
Дар роҳи расидан ба шӯҳрати интернетӣ, бисёр ширкатҳо ба қавле, аз ҳад гузаронидаанд. Масалан, як шабакаи амрикоии фурӯши питса дар барчаспҳои машҳури #WhyIStayed ва #WhyILeft ғолиб баромада, дар Twitter мақоми баландро соҳиб шуд. Бо кӯмаки онҳо, одамон бештар воқеаҳои ғамгинро, марбут ба зӯроварӣ дар оила нақл мекарданд, ки онро коргоҳи фурӯши питса дарҷ менамуд.
Имкониятҳо
Шумо маълумотро назорат мебаред
Тамғаҳо метавонад дар шабакаҳои иҷтимоӣ қариб ҳамаи номҳои зикршудаи худро назорат кунанд. Онҳо ҳатто метавонанд ҷавоб гӯянд. Он гарчанде начандон алоқаи гуворо бошад ҳам, аммо ба муштариён чунин хизматрасоние, ки бо мизоҷон дар тамос мебошад, писанд аст.
Илова бар ин, дар байни ҳамаи ин андешаҳо, метавон чизҳои муфидро пайдо карда, онро барои манфиати маҳсулоти худ ва хизматрасонӣ истифода бурд.
Дар мавзўи: «Аз ҳама рекламаҳои хотирмон ва фейлҳои соли 2014»
Шумо маълумотро паҳн мекунед
Албатта, як ҳиссаи нисбатан ками аҳолии сайёраи мо дар шабакаҳои иҷтимоӣ қарор дорад ( дар Twitter тахминан 285 миллион нафар фаъолона истифода мебаранд, дар Facebook бошад 1 миллиарду 300 миллион) вале он ҳанӯз ҳам яке аз роҳҳои беҳтарини фавран дастрас намудани маълумот дар бораи ширкат ба муштариёни эҳтимолии Шумо мебошад.
Яке аз ҷиҳатҳои мусбии Twitter ва Facebook дар он аст, ки онро рӯзноманигорон низ истифода мебаранд. Онҳо метавонанд, твитро дар лентаатон дида, бо хурсандӣ дар нашрияи худ хабар диҳанд, ки Шумо нусхаи нави дрони худро баровардаед. Замимаро азнавсозӣ намуда, ба он вазифаҳои навро ворид кардаед.
Нет комментариев