Модели крассовкаҳои Nike HyperAdapt 1.0 аз дигар крассовкаҳои муқаррарӣ бо он фақр дорад, ки ба таври мукаммал ва автоматикунонидашуда тайёр карда шудааст. Ҳангоми пӯшидани ин намуди крассовкаҳо банди онҳоро бастан лозим нест, зеро ҳангоми пӯшидан онҳо худашон ба андозаи пойҳо мувофиқ мешаванд. Ширкат аллакай ин намуди крассовкаҳои автоматикунонидашудаи худро охири соли 2016-ум ба фурӯш мебарорад. Ширкати Nike дар ин бора дар сомонаи расмии худ хабар додааст.
Дар модели крассовкаи автоматикунонидашуда як таҷҳизоти хурди техникӣ ҷойгир карда шудааст, ки онро бандаки автоматикӣ низ номидан мумкин аст. Вале дар асл ин ҳатто бандак ҳам нест, балки якчанд рахҳои эластикии дар зери крассовка дӯхташуда мебошад.
Ин таҷхизоти хурд ҳангоми пӯшидани крассовка ба кор медарояд, яъне дар вақти бо ангушти пойҳо зер кардани сенсори махсус. Маҳз дар ҳамин лаҳза крассовка ба таври автоматикӣ ба пойҳо ҷавфс мешавад, яъне бандакҳои он маҳкам мешаванд. Барои идора кардани кори механикии крассовка аз тугшмачаҳои махсус, ки дар зери пояфзол аз як самт ҷойгир кунонида шудаанд, истифода бурдан мумкин аст.
Дизайнеронро дар офаридани крассовкахои автоматикунонидашуда варзишгарон ба илҳом овардаанд. Зеро барои варзишгарон муҳим аст, ки дар рафти мусобиқаҳо бо корҳои майда чуйда андармон нашаванд, яъне бо бастани бандакҳои крассовка. Крассовкаҳои автоматикунонидашуда дар се рангҳои гуногун истеҳсолкардашуда аллакай охири соли 2016-ум ба фурӯш бароварда мешаванд, лекин онҳо танҳо барои аъзони клуба Nike+ мебошанд. Бақайддарорӣ дар сомонаи расмӣ ройгон мебошад.
Дар бораи нархи крассовкаҳои автоматикунонидашуда ҳоло хеҷ чиз гуфта нашудааст, вале аниқ маълум аст, ки онҳо аз крассовкаҳои муқаррарӣ гаронтар хоҳанд буд.
Нет комментариев