Аксари мардум истеъмоли шоколадро дӯст медоранд, зеро таъми лазизу ширини он касро мафтун месозад. Бахусус шоколади сафед, ки ранги ғайриоддиро доро мебошад, дилписанди ҳамагон аст. Аммо гурӯҳе аз сабаби парҳез кардан ё худ аз сабаби ба он эътимод надоштанашон аз истеъмоли маҳсулоти дӯстдоштаи худ даст мекашанд. Вале Шумо ғамгин набошед. Ин лаҳза дар ин хусус мо ба Шумо маслиҳати пурқиммати хешро оид ба шоколади сафед арзонӣ медорем. Мутаваҷҷеҳ бошед:
Дар таркиби шоколади сафед набояд равғани омехта ҷой дода шуда бошад. 20 % -и таркиби шоколади баландсифати асилро бояд равғани какао ташкил диҳад. Бо вуҷуди ин дар таркиби шокалад на бояд ҳатто заррае аз хокаи какао ҷой дода шуда бошад. Агар ба таркиби шоколади сафед аз ин миқдор зиёдтар равғани какао илова шуда бошад, маҳсулот аз таъми лазизи хеш маҳрум мегардад. Баъзан барои пинҳон кардани ин камбудӣ истеҳсолкунандагон ба таркиби шоколад ҳар гуна ароматизаторҳои синтетикӣ яъне моддаҳои хушбӯйкунандаи сунъиро ҳамроҳ менамоянд. Чунин сохтакориҳои истеҳсолкунандагон шахсро ба гирифтории касалии меъда ё аллергия оварда мерасонад. Шоколади сафеди баландсифат бояд бӯйи хушро доро бошад. Сатҳи болоии он бояд ҳамвору суфта бошад. Агар вақти шикастани шоколад овоз набарояд, аз ин ҷо хулоса баровардан мумкин аст, ки дар дасти Шумо махсулоти нав, ва хуштаъм аст.
Зарнигори Рустам.
Нет комментариев