Баҳри дар амал татбиқ намудани қарори Раиси вилояти Суғд аз 28 марти соли 2017, №134 чорабиниҳои фарҳангӣ таҳти унвони “Шоми ҷавонӣ” бахшида ба соли 2017 “Соли ҷавонон” дар Боғи фарҳангию фароғатии ба номи “Камоли Хуҷандӣ” оғоз гардид. Дар он зиёда аз 2000 нафар ҷавонону варзишгарон, донишҷӯён ва шаҳрвандон иштирок намуданд. Дар расми ифтитоҳи чорабинӣ муовини Раиси шаҳр Ҳошимзода Раъно, мудири бахши ҷавонон, варзиш ва сайёҳӣ Исматҷонов Бахтиёр ва мудири шӯъбаи рушди иҷтимоӣ ва робита бо ҷомеаи мақомоти иҷроияи ҳокимияти давлатии шаҳри Хуҷанд Каримов Мирзоқосим ҳузур доштанд. Муовини раиси шаҳри Хуҷанд аз номи мақомоти иҷроияи ҳокимияти давлатии шаҳри Хуҷанд, ба маросими ифтитоҳи баргузории чорабиниҳои фарҳангӣ, таҳти унвони «Шоми ҷавонӣ» бахшида хайрамақдам намуданд. Пас аз он ба сокинон ва меҳмонони шаҳри Хуҷанд барномаи ҷолиби фарҳанги пешниҳод карда шуд. Бояд қайд кард, ки ин гуна чорабиниҳо бахшида ба «Соли Ҷавонон» ҳар ҳафта рӯзи шанбе гузаронида мешаванд.
Манбаъ: www.khujand.tj
Нет комментариев