Олимон даъват мекунанд, ки истифодаи триклозан дар воситаҳои косметикӣ ва гигенӣ маҳдуд карда шавад. Тадқиқотчиён аз кишварҳои гуногун арз мекунанд, ки зарар аз истифодаи собуни дар таркибаш триклозан дошта нисбат ба фоидааш зиёдтар аст. Гап дар сари он аст, ки мувофиқи санҷишҳо дар ҳайвонот триклозан ба танзими ҳормоналӣ таъсир мерасонад ва дар муҳити атроф афтида устувории бактерияҳоро ҳам ба худи триклозан, ҳам ба дигар зиддибиотикҳо пурқувват мегардонад.
Конгрессмени ИМА аллакай бори чандум аст даъват мекунад, ки илова кардани триклозан ба косметика махсусан – ба косметикаи кӯдакон манъ карда шавад. Аъзои Шӯрои Миллӣ оид ба ҳифзи захираҳои табиии ИМА чунин меҳисобад, ки собуни муқаррарӣҳам ба монанди зиддибактериалӣ, бо микробҳо нағз мубориза мебарад.
Триклозан чист? Триклозан моддаи зиддибактериалии кимиёвии синтез кардашуда аст. Дарҳол, баъди он ки триклозан соли 1965 дар Шветсария кашф шуд, онро бо мақсади муборизаи бар зидди бактерияҳои дар либосҳоҷойшуда дар таркиби хокаҳои либосшӯӣ илова карданд. Солҳои 80-ум триклозанро инчунин дар собуни моеъ, хокаи дандоншӯӣ, лосйонҳо ва шампунҳо илова намуданд.
Дар тӯлӣ якчанд сол дар якчанд кишварҳои Аврупо дар бораи мувофиқатии истифодаи ин мода мусоҳиба идома ёфт. Профессори институти федералии олмонӣ Андреас Хенсел чунин ақида дорад, ки илова намудани триклозанро дар молҳои истеъмоли васеъ бояд ҳатман манъ карда шавад. Ба фикри ӯ триклозан танҳо дар ҷарроҳӣ барои таъмини тамйиз (стерилизация) истифода бурда шавад. Дар шустушӯи либос ва дастурӯй бошад, барои ноил шудан ба тозагӣ истифодаи собуни муқаррарӣ ва дигар воситаҳои шустушӯй кифоя аст.
Нет комментариев