Рӯзи гузашта зимни баргузории нишасти матбуотии Раиси вилояти Суғд Абдураҳмон Қодирӣ шоир ва рӯзноманигори шинохта Толиб Карими Озарахш ва нависанда ва рӯзноманигор Анвар Мирзоҳакими Олим барои хизматҳояшон дар рушди адабиёт бо Сипосномаи Мақомоти иҷроияи ҳокимияти давлатии вилояти Суғд сарфароз гардонида шуданд. Сипоснома ва тӯҳфаҳои хотиравиро ба Толиб Карими Озарахш ва Анвар Мирзоҳакими Олим Раиси вилоят Абдураҳмон Қодирӣ тақдим намуда, қайд карданд, ки саҳми онҳо дар тарбияи маънавии ҷомеа ва эҷодкорони ҷавон хеле назаррас аст. Ҷоиз ба таъкид аст, ки Озарахш барандаи Ҷоизаи адабии ба номи Мирзо Турсунзода ва Анвар Мирзоҳакими Олим барандаи Ҷоизаи адабии ба номи Раҳим Ҷалил мебошанд.
Манбаъ: сомонаи расмии МИҲД-и вилояти Суғд
Нет комментариев