Соли 2020 дар шаҳри Исфара 6 адад корхонаю коргоҳҳои навбунёди саноатӣ бо таъсиси 120 ҷойҳои кории нав мавриди истифода қарор гирифт. Дар ин бора муовини раиси шаҳри Исфара Ҷаъфархўҷа Ҳайдарзода зимни баргузории маҷлиси фаъолони шаҳр иттилоъ дод.
Ба иттилои номбурда дар соли гузашта маҷмӯи маҳсулоти саноатӣ бо дарназардошти маҳсулоти сектори хусусӣ ва хизматрасониҳо 372,1 млн. сомониро ташкил намуда, суръати афзоиш 103,5 фоиз таъмин гардид, ки нисбат ба ҳамин давраи соли 2019 12,6 млн. сомонӣ зиёд мебошад.
Аз тарафи корхонаҳои дар қайди оморбуда дар ин давра ба андозаи 130,4 млн. сомонӣ маҳсулот истеҳсол карда шуд, ки ба 95,5 фоизи нишондиҳандаи соли 2019 баробар аст.
Дар соли 2020 маҷмӯи маҳсулоти кишоварзӣ дар ҳама шаклҳои хоҷагидорӣ 560,4 млн. сомониро ташкил намуда, суръати афзоиши он 112,3 фоиз таъмин гардид.
Дар ҳамаи шаклҳои хоҷагидорӣ 4948,5 тонна гӯшт, 28967,8 тонна шир, 5,8 млн. дона тухм истеҳсол карда шуд, ки нисбати ҳамин давраи соли гузашта, мутаносибан 309,2 тонна, 409,6 тонна ва 942,5 ҳазор дона зиёд мебошад.
Манбаъ: Хадамоти матбуоти Раиси вилояти Суғд
Нет комментариев