Дар шаҳри Хуҷанд барои соли 2023 ҳамагӣ таъмири 45,1 км роҳҳо ба нақша гирифта шуда, давоми шашмоҳаи аввали соли 2023 25,0 км роҳҳо таъмир шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Хуҷанд хабар доданд.
Аз ҷумла, 11,6 км таъмири асосии роҳ ва 13,4 км таъмири ҷории роҳ ба иҷро расонида шудааст. Илова бар ин, 4,7 ҳазор метри мураббаъ роҳҳои пиёдагард сафолакпўш гардидаанд.
Ҳамзамон баҳри афзун намудани ҳусну таровати замонавӣ ба кӯчаю хиёбонҳо ва майдонҳои ҳудуди шаҳр лампаҳо, чароғакҳою фурӯзонакҳо ва равшанкунакҳои муосир насб шуда, бо саҳми фаъолонаи соҳибкорону аҳолӣ дар мавзеъҳои шаҳр дарахтони ороишию ҳамешасабз, инчунин гулҳои ҳархелаи маҳаллӣ шинонида шуда, таҳти нигоҳубин қарор доранд.
Манбаъ: АМИТ «Ховар»
Нет комментариев